#البدايات
الاسم حلو صَح ؟!
ماهـو لازم يكُون حلو أصـل دايمًا البـدايـات حـلوة لدرجـَة مُبهـرة .
بس المثـل الشـعبي بيقـول إيييييه ؟!! 
( #الحـلو_مابيكـملش)
كـام واحـد/ة انبهـروا بالبـداية ورجعـوا استغـربوا وقـالوا ...
إيه دا ! .. هو إيه اللّي حصل !! .. 
طب إيه اللّي اتغـير !! ..
ماهو أنا نفـس الشخص اللّي شـدّك، وعجـبك، وأبهـرك، 
وفضلت تحـارب عشـان توصـله !! .. 
إيه بقى اللّي إتغـيّر فيّا !! ..
ولَّا انتـوا كنتـوا عايـزين الحِلو بتـاعنا وبس؟!!!
العـلاقات ياجمـاعة أيًـا كـان نـوعهـا بتبقـى شـروة على بعضهـا مش هتنـقي الحلـو بس عشـان تتعـامل معـاه، انت بتقرب من إنسان طبيـعي مش مـلاك. 
فيـه الطـبع الحلـو وفيه الطـبع الوحش فلمـا تقـرب متنقـيش.
هتحبـه !! حبـه .. بس بكـل ما فيّه كله على بعضـه مافيش نقـاوة.
البداية دايمًـا بتكـون جـامعة كل الصفـات الحلـوة اللّي غـالبًـا مُعظمنـا بيتصنعهـا عشـان يلفـت نظـر الطـرف المرغـوب فيه أو اللّي عايزين نقـرب منّه وبنفضل نديلـه أحلى ما عنـدنا .. 
اهتمام بقى وحب ولهفة و و و .........
الطـرف التـاني بقى ساعتها يبـدأ ينبهـر ويحـس ان ربّنـا رضـي عنّه وبعتـله الشخـص اللّي مش موجـود في الوجـود 
الشخص اللّي طول عمـره بيدور عليـه فـ يبـدأ يحب ويخلـص ويـدّي كل حـاجة عنـده ببـزخ ( #بهبل ) ماهـو خـلاص مش هيكـون في أغلـى من الشخـص اللّي طـول عمـره بيـدور علـيه عشـان يدّيلـه كل مخـزون الحب اللّي جـواه لانه من وجهـة نظـره هو بس اللّي يستـاهله.
لحد مايوصل للحظة ويلاقي نفسه شطّب.
مش قادر يدّي تاني أكتر من كدة.. 
أصل هيدّي إزاي من غـير مايـاخـد ؟!! 
اللّي عنـده خلاص خلص محتاج اللّي يملاه ويشحنه من جديد. 
محتاج حب، محتاج لهفـة، محتـاج إحتـواء 
( #محتاج كل اللّي كان في البدايات ) 
بس فـين بقى ماخـلاص الطرف اللّي كان بيحـارب عشـان يقرب وصـل لهـدفه. 
قربـه وعلقـه بيه فالطبيعي إنه يرجـع لطبيعـته ( أصل الطبع غلّاب ياجمـاعة بلاش تظلموا).
(بس زي مـا المسـاواه في #الظلم عـدل .. المسـاواه في #العطـاء أكبر #عـدْل ! )
ف الوقـت دا بقى يبـدأ دور العـقل في إنه يأنِّب الشخـص.
• إيه اللي انت عملته ف نفسك دا ؟!
• ليه تدّي حد أكتر من حقه اكتَر من المفروض انه ياخده ؟!
• ليه العطاء عندك مستمر ؟!
• ليه ماتدّيش بقدر ما بتـاخد وبس؟!!
ليه .. وليه .. وليه .. مليووووون سؤال بينحصروا في معنى واحد.
 ألا وهو #النـدم
#طيب .. إحنـا ليه بنـوصل للدرجـة دي ؟! 
ليه بنوصـل لمـرحلة الندم ؟!
أنا هقولكوا ليه ..  
• لاننـا مش عـارفين قَدْر نفسنـا 
( ودا أهم #سبب )
• لاننـا دايما فاكرين اننـا من غير حُب مش هنقدر نعيـش وطول الوقت بندور عليه بس اللّي كتير مش فاهمينه إن الحب عمره مابييجي بالبحث الحب شعور بيفرض نفسه 
( مش بمزاجك يعني )
• دايما فاكرين ان سعادتنا في اننا نلاقي الحب وحياتنا من غيره كئيبة ومالهاش معنى
بالعكس تمـامًا ياجماعة..
نوعية الحب دا #مرض بينهش فيك وهو اللّي بيموت جمـال الدنيا ف عينك
إنت الوحيد اللّي تقدر تخلي حياتك حلوة 
وإنت بردو اللّي تقدر تخلّي الحزن والكآبة يقضوا عليها.
لإنّنا طول الوقت بندور على اللّي نديله مخزون الحب والعطاء اللّي جوانا مع إننا لو ركّزنا في اللّي حوالينا شوية في القريبين مننّا اللّي مغمضين عنينَا عنهُم هنلاقي إنهم اكـتر ناس تقدر تسعِدنا لأنهم الوحيدين اللّي بيبادلوك نفس المشاعر ويمكـن أكتر ف بالتـالي المخزون اللّي عنـدك عمـره مابيخـلص بل بيـزيد.
صدقوني سَاعتها هنحس فعلًا بالسعادة اللي احنا محتاجينها.
مش عيـب إننـا نغلـط ونكَرّر الغلَط كمان مرة واتنين بس بعد كدة استـوب .. نتعلم بقى ونرجع لنفسنا ولحياتنا ونعيد ترتيب كل اللّي كَانوا فيها .
وحط ف دماغك قاعدة مهمـة أوي ..
( كل شئ في البُعد أجمـل وأروع ويزداد به شغفك دائمًا إلى أن تقترب .. فيمـوت الشغف )

إعـلَم قَـدر نَفسـكْ .. وجُـد بِالـوقَـارِ عَليّهـا
فمَـا أزهـد ثَمَنـــكْ .. حــينَ البُــلُوغ إليهَــا 
( كلمات #أسماء_كامل )

#النهاية 
"أَعْطِ كُلَّ ذِي حَقٍّ حَقَّهُ ". ( كل ذي حقٍ فقـط )
 
#البـدايات_مِـن_وجهـة_نظَـري
#تحياتي

#أسماء_كامل