رئيس مجلس الإدارة
طارق لطفى
رئيس التحرير
أحمد سليمان
آآه مِ الدُّنيا
شعر: أسماء كامل
هبدِّل قلبي من حلمه
يكون جبروت
وهصرُخ مِن وجع قلبي
بعِلو الصُّوت
كُـتر الألم
موِّت خلاص طيبتي
هاتبقى القسوة جوَّايا
ماليها حدود
آآه مِ الدُّنيا
لمَّـا بفعلها تئذيّك
وآآه مِ الأخ
لمَّـا بخنجرُه يرميّك
هتصفىٰ ياقلبي لميّن
من بعد خلَّانك
وفين هتلاقي تاني
اللِّي يخلص ليّك
سلام علىٰ دنيا
مافهاش للحنان معنىٰ
سلام علىٖ زمن
كدبه بيجمعنـا
سلام علىٰ جذور
واللّٰه اترَوت بالحُب
طرحِت ورد.
حضنه ما بيسعنـا
اترك تعليق