رئيس مجلس الإدارة
طارق لطفى
رئيس التحرير
أحمد سليمان
كورونا يظهر المعادن .. شباب إبنهس يقدمون خدمة توصيل الطلبات لأهالى القرية بالمجان تحت شعر خليك فى البيت
تقرير - مصطفى الشــهاوى:
أظهر إنتشار فيروس كورونا العديد من النواحى الإيجابية ومعدن الشعب المصري الأصيل , ففى قرية إبنهس مركز قويسنا محافظة المنوفية دشن الشباب جروب على الفيس بوك باسم قرية إبنهس ضد الكورونا وأعلنوا خلاله عن تكوين فريق عمل ميدانى لتوصيل الطلبات إلى المنازل تحت شعار خليك فى البيت .. ضم الفريق مجموعة من المتطوعين بالتكاتك وسيارات السوزوكى والدراجات الهوائية لخدمة أهل القرية بالمجان خاصة الشوارع المفروض عليها حجر لوجود اشتباه أو حالات مؤكدة بها ..
نشر أدمن الجروب قائمة بأسماء المتطوعين لتوصيل الطلبات الي البيت ... قائلاً :" اللي محتاج يشتري حاجة من اي مكان في البلد او قويسنا, او محتاج مشوار لخارج قويسنا,ادفع حاجة بسيطة عشان متقولش يا ريت اللي كان ماكان" .. مضيفاً :"التوصيل لأهالي (شارع التش) فقط مجاني إن شاء الله لما يطلبوا تكاتك لحد ما ربنا يفرجها." .. قائلاً :"نداء لاخواتنا اللي هيوصلو الطلبات بعد اذنهم :
1- اهالي شارع التش مفضلين وليهم الاولوية للتوصيل وفي اسرع وقت وعلي دماغنا من كبيرهم لصغيرهم لحد ما ربنا يفرجها والكردون يتفتح, 2 - احمو نفسكم بلبس الكمامة والجوانتي وتعقيم وغسل الايد كل شوية, - نطلب من اللي هيوصلو ونتعاون معاهم ومع بعض كلنا, لو حصل اي مشكلة في اي حاجة كلمونا عالخاص, اي سائق توكتوك او متوسيكل او سوزوكي هيتعاون معانا يكلمني ويبعت رقمه عشان انزل اسمه, اقعدوا في بيتكم علي اد ما تقدروا اعداد المخالطين عالية وربنا يستر .. " ..
أكد شباب إبنهس أنهم بجانب خدمة التوصيل للمنازل قرروا تطهير ورش القرية يومياً .. قال أدمن الجروب :" هننزل كل يوم منطقة نعقمها.. الماتور موجود عندي ... محتاجين متطوعين من كل منطقه يكلموني و ناخد الموتور ونعقم المنطقه بتاعتهم
المشكلة في المتطوعين يا رجالة !" .. قال :" مش بنطلب اي مساهمة من حد مادياً الحمد لله اولاد البلد موفرين مواد تعقيم بزياده احنا محتاجين ناس تقف بجد علشان نعدي الازمه دي علي خير.."
كورونا يظهر المعادن .. شباب إبنهس يقدمون خدمة توصيل الطلبات لأهالى القرية بالمجان تحت شعر خليك فى البيت
اترك تعليق