رئيس مجلس الإدارة
طارق لطفى
رئيس التحرير
أحمد سليمان
الإكتئاب يسيطر على أحمد مالك بسبب كورونا
علق الفنان أحمد مالك على الأزمة الموجودة هذه الفترة بسبب فيروس كورونا، واصفا الوضع بأنه أصبح ضبابيا.
ونشر مالك، صورة له عبر حسابه على موقع تبادل الصور والفيدوهات "إنستجرام"، أمام ماكينة صرافة، وعلق عليها قائلا: "كنت ناوي أكتب حاجة فيها هزار عن الفلوس والحالة المادية، بس لاحظت إني مش في أزمة قوية زي ناس فعلا حياتها ممكن تكون في خطر بسبب الوضع الحالي، بعدين فكرت في الوضع الحالي... أنا حاسس إن معنديش حاجة أقولها أو أعملها، ومش قادر حتى أقول لنفسي اعمل ايه، حاسس إني تايه ومتلخبط بس حاسس إن مش لوحدي وده شعور غريب".
وتابع: "حاسس إني عاوز أفضل ساكت واتفرج.. مش عاوز أعمل challenge، مش عاوز أجري، مش عاوز أخد كورس أونلاين، مش عارف عاوز أو مفروض اعمل ايه.. عارف إن كلامي ممكن يميل للضلمة بس حاسس إن دي مش مشكلة ومش مفروض تخوفني".
وأضاف: "حاسس إن دي مرحلة نادرة الإنسانية بتعدي بيها وكلنا جزء منها.. العالم في حالة صمت، صمت له صوت أنا مستمتع بقوته.. أنا معنديش حاجة مضطر أعملها أو أقولها غير إني أتأمل اللحظة دي والاقي نفسي وسطيها".
واختتم: "مش عارف لو العالم هيتغير أو لا بعد اللي بيحصل، بس أكيد هنفهم حاجة جديدة وحتى لو مفهمناش أكيد هنحس... أتمنى الخسارة تكون خفيفة علينا ومتحمس لليوم اللي هنحتفل بمرور كل ده".
الأكثر مشاهدة
اترك تعليق