رئيس مجلس الإدارة
طارق لطفى
رئيس التحرير
أحمد سليمان
حُبك نكبة
كلمات: حبيبة مجدي
كان نفسي يكون من حقي أقول
أو حتى ياسيدي أسلم بس
مش شرط يكون للود وصول
الليل بيطول
وأنا وأنت بعيد؟
ده لسه ف حكاوينا بعيد
و الوضع يا حضرت متأزم
وأنا جرحي يدوبك بيلملم
من بعد ما كان بيسرب دم
وصورنا اتمسحت من يومها
وكلامنا اتفرمط بالأيام
على قلبي سلام
وهدوء بَعدك
على قلبك نار
وحزين بَعدي
والوقت اهو عدى واثبتلي
لون حزنك خام
و الضحكة مبطولش جفونك
بتقضي ليلك ف سكونك
ومصاحب قهوتك السادة
وأنا يعني أساسًا في العادة
بتبسم والبسمة عبادة
والدنيا بتحلو في عيني
بتخيل لو كنت سنين
وأيامي الجاية تكون وياك
بعاني معاك ..
وبنام يوميا بجروحي
والحزن بيأخد من روحي
والورد بيدبل على إيدك
متخيل إن جه يوم عيدك
ابعت مرسال شوق ومحبه؟
أدركت الآن "حُبك نكبة"
الأكثر مشاهدة
اترك تعليق