رئيس مجلس الإدارة
طارق لطفى
رئيس التحرير
أحمد سليمان
أول تعليق من السيناريست مريم نعوم على إستمرار تصوير المسلسلات
وقالت نعوم في منشور عبر حسابها الخاص على فيسبوك: "أعتقد إن دي هتكون آخر حاجة هكتبها عن موضوع التصوير في ظل الوضع الراهن، وقد تكون آخر حاجة اكتبها على الإطلاق وتكون آخر علاقتي بالمهنة والصناعة دي، والحقيقة إنه مابقاش فارق معايا خالص.. لإن أولوياتي مختلفة مش من ضمنها المكسب على حساب سلامة الآخرين".
وأضافت "نعوم": "أنا حزينة جدا، حزينة على نفسي وعلى زمايلي عشان اكتشفت إن سلامتنا مش من أولويات القائمين على الصناعة، اكتشفت إننا الفرخة اللي بتبيض ذهب لكن يوم ما حياتنا هتكون مهددة، الذهب هيكون هو الأهم حتى لو هيكون آخر ذهب هنقدر ننتجه"
وواصلت الكاتبة: "القنوات ضاغطة على المنتجين عشان يعرضوا.. والمنتجين ضاغطين على الفنانين والفنيين عشان يصوروا والفنانين والفنيين مجبرين يصوروا عشان إحساسهم بالمسؤولية وخوفهم من قطع العيش في المستقبل.. والنقابات بتتفرج علينا ومش قادرة تطلع بيان يلزم بوقف التصوير مع إنه بيجيلهم عشرات التليفونات يوميا من فنانين وفنيين مش عايزين ينزلوا التصوير".
يذكر أن المخرج يسري نصرالله، طالب النقابات الفنية بإصدار قرار لوقف تصوير المسلسلات والأفلام لمنع حدوث كارثة على حد قوله، وذلك عبر حسابه على "فيسبوك" قائلا: "ياريت النقابات الفنية والمنتجين يجتمعوا حالا وياخدوا قرار جريء بتأجيل تصوير الأفلام والمسلسلات لحد ما الغمة دي تعدي، مافيش أي حاجة تبرر إننا نخاطر بصحتنا وصحة حبايبنا، مسؤوليتنا إننا نساهم في منع حدوث الكارثة، مش إننا نساهم في حدوثها واحنا بنرقص على أنغام التيترات".
اترك تعليق