لذا أطلق أولياء أمور المدارس الخاصة هاشتاجات و منشورات على صفحات وجروبات الامهات عبر الفيس بوك لمطالبتهم باسترداد جزء من المصروفات الدراسية والباص، كتب محمود السادات على جروب اتحاد امهات مصر للنهوض بالتعليم :"المفروض المدارس الخاصه ترجع حتى ولو نصف المصروفات المدرسه ونصف مصروفات الباص لانهم حق غير مستحق، أيده في الرأي عدد كبير من اولياء الامور حيث علقت دينا بدر "مظبوط أو تتحسب جزء من مصروفات العام القادم" وكتبت صافي إيهاب "ياريت باجماعة مندفعش الترم التاني" وقالت امال عبد العزيز "المفروض يرجعوهم او يحسبوهم مقدمه للسنه الجديده لمن اعطاه الله العمر" وأضاف ولي أمر "فعلا والله حرام كده و ده هيكون مال حرام دخل عليهم لان مش من حقهم".

 وكتبت سمية محمد" المدارس بتاخد مننا مصاريف و بيقدموا خدمه غير 10٪بس بالاضافه أن المدرسين والإداريين والسواقين بيتحاسبوا بالشهر مش بالسنه ولما رؤوس الأموال ميتحملوش عبء من المشكله والوباء؛ المواطن الغلبان هو اللي يشيل الليله كلها ما الوباء على الكل والكل أتوقف حاله؛ لما ادفع مصاريف باص كامل ومايشتغلش غير شهر واحد الترم التاني والمدرسه تحاسب الباص بالشهر مش بالترم وتحاسب المدرسين بالشهر مش بالترم كل الفلوس دي هتروح في جيب مين غير رؤوس الأموال، في ناس بتستلف علشان تدفع قسط مدرسه، في مدارس بتوقف الباصات لو اتأخرت في السداد، في مدارس بتحبس الاولاد وتمنعهم من دخول الحصص لتأخير سداد المصروفات، وفي اللي زي حضرتك كده بيدافع عنهم هما بيقدموا خدمه بمقابل ومن حقهم أن ياخدوا حقهم بالكامل".

من ناحية أخرى اعترض عددا من اولياء الامور على استرداد المصروفات حيث قالت شيماء على ماهر أدمن جروب نبني بلدنا بتعليم ولادنا أنا ضد استرداد المصروفات لأن هذه الظروف الطارئة خارجة عن إرادة المدرسة وهناك مرتبات للعاملين والمدرسين بالمدرسة بالإضافة إلى مصروفات أخرى وهذا القرار ليس ذنب المدرسة ولكنني اطالب بعدم فرض الزيادة السنوية الـ ١٠٪ العام القادم.

وافقها الرآي علي جمال قائلا "انا مع ان الحكومه تاخد فرق فتره دي وتحطها في صندوق احتياطي للدوله تسحب منه، احنا اصلنا هنعمل بيهم ايه كفايه البلد واللي فيها هوحكومه لو تعرف تاخد فرق بذات من مدارس الانترناشونال ولغات اللي مبالغ بتاعتهم عاليه تاخد نسبه حتي بسيطه والله هتفرق مع دوله اليومين دول"، كتبت غادة السيد :" انا مش عاوزة مصاريف بس يشوف حاجة لثالثة اعدادي يايلغي الامتحانات ونعمل ابحاث برضو يا يلغي وحدات من المنهج لكن كدة حرام منهج كامل مفيش مدرسين مفيش مدرسة مفيش دروس في البيت مش هينفع" كتبت جيهان محمد :" ﻻء طبعا ضد السنه خلصت والبلد بتقع والفيرس بينتشر ده بدل مانساعد بعض دلوقتي وقت الوعي وجدعنت المصرين مش وقت نقطع في بعض وبعدين صحه وﻻدى بالدنيا فداهم فلوس الدنيا"، أيدتها نهى النشار وكتبت :" يا جماعة وذنب المدارس ايه والمدرسين والعمال والناس إللى فيها جميعا فى أزمة والتفكير حاليا لازم يبقى فيها الفلوس ادفعت خلاص المهم صحة اولادك وربنا يعدي بلدك على خير ان شاء الله"