شقيق ياسمين عبد العزيز يهاجمها: \"قاطعتي كل العيلة علشان تعملى اللى على مزاجك\"

هاجم وائل عبد العزيز، شقيقته الفنانة ياسمين عبدالعزيز، بعد سيل الانتقادات والشائعات التي تعرضت لها بسبب علاقتها بالفنان الشاب أحمد العوضي خاصة بعد صور عيد ميلادها الأخيرة، والتي انتشرت على مواقع التواصل الاجتماعي، وتردد شائعات حول ارتباطهما.

وقال عبر صفحته الشخصية على موقع التواصل الإجتماعي فيس بوك: "بصي يا ياسمين يا عبد العزيز يا أختي.. أنا معاكي وفي ضهرك من وأنتي صغيرة شيلت مشكلات كتير بسببك من وانتي عيلة صغيرة بداية من مشاكلك مع الشاعر، وبراده وانتي عارفة إن أنا اتاذيت فيها إزاي وقضية الشغالات مؤخرا غير قضية الضرب إللى كانت بينك وبين بنت هشام سليم، الممثلة إلى لبستيها التورتة في وشها..

وأضاف: "وقفت جمبك بكل ما أملك من قوة أدافع عنك في كل موقف صعب مر عليكي ونسيت حياتي ونفسي عشانك وبقى كل همي أنا ووالدتك انك تكبري وتبقي نجمة في مجالك.. سيبنالك.. اختياراتك كلها لنفسك ووفقنالك على معظم قراراتك وكنت الوحيد إللى ساندتك ووقفت جنبك في طلاقك".

وأضاف: "هنهرتل وتروحي تعرفي واحد أصغر منك بـ ١٠ سنين لا من سنك وتتصوري صور مالهاش أي لازمة على حساب سمعتك وسمعتنا لا ومحدش هيسمح.. من إمتى وإحنا بنعمل أعياد ميلاد وتنزل على السوشيال ميديا.. من امتى الناس بتجيب في سيرتنا !؟ ونقعد نتعاكس على السوشيال ميديا.. ومع ذلك حياتك وانتي حرة فيها.. أنا هتكلم على الشق إللى يخصني.. انتي مقاطعة كل العيلة عشان تعملي إللى على مزاجك"..

وتابع: "احنا دلوقتي وعايزين نفهم العلاقة دي إيه ورايحة على فين.. أما بالنسبه للأخ إللى ماشي وراكي في كل حتة وشايفك البيضة الدهب إللى هتفقسله كل يوم أحب أقولك يا رجل لما تيجي تدخل بيت تدخله من بابه يا رجل وتقعد مع رجالة البيت !!..دي الأصول وده الاحترام.. وطبعا لأنك عارف إنك مرفوض رافضا باتا فا عمرك ما هتعمل ده ومعندكش غير الطريق الشمال إلى انت سالكه من سنين مع بنات الناس!!.. أنا من رأيي كفاية عليك البطولة إللى أخدتها والعربية المرسيدس الهدية.. وتركز في شغلك وتسيبنا في حالنا لأن طول عمرنا في حالنا ومحدش سامع عننا حاجة وملوش لازمة جو الصور والمعاكسات ده وأنا مبخفش من تهديد حد!!".

اقرا ايضا

شقيق ياسمين عبد العزيز يهاجمها: "قاطعتي كل العيلة علشان تعملى اللى على مزاجك"

رسالة نارية من شقيق ياسمين عبد العزيز" عايز اعرف حكاية علاقتك باحمد العوضى"

شقيق ياسمين عبد العزيز يقصف جبهه احمد العوضى بعد شائعة ارتباطهم

شقيق ياسمين عبد العزيز يغلق حسابه على "فيس بوك" بعد هجومه عليها

شاهد ماذا قال محمد محمود عبدالعزيز لشقيق ياسمين عبدالعزيز .. فيديو

شيماء الحاج توجه رسالة شديدة اللهجة لشقيق ياسمين عبدالعزيز

رسمياً .. ارتباط احمد العوضى وياسمين عبد العزيز .. صور

رد نارى من احمد العوضى على ياسمين عبد العزيز