رئيس مجلس الإدارة
طارق لطفى
رئيس التحرير
أحمد سليمان
- وزير الكهرباء: وضع هيكل مفاعل الضبعة "فعالية تاريخية"
- التموين: توافر السكر الحر بالمجمعات بسعر 28 جنيهًا للكيلو
- بوتين : ننطلق إلى مرحلة تعزيز قدرات محطة الضبعة من أجل إنتاج الطاقة النووية
- الزراعة: تصدير أكثر من مليون شتلة فراولة خلال أكتوبر الماضي
- الرئيس السيسي: بدء وضع هيكل الاحتواء لمفاعل الضبعة صفحة جديدة في تاريخ مصر
عزيز الشافعى يفتح النار على مطربى المهرجانات
وكتب عزيز الشافعى عبر تويتر:" عشان بس الموضوع كدة زيادة اسمحولي أهدي التراك ده لكل الفنانين و الإعلاميين اللي بيدافعوا عن المهرجان ، ياريت يحطوا التراك ده فى الـ playlist اللي بيرقصوا عليها فالفيديوهات كنوع من أنواع الدعم ، بس ياريت أولادهم ميسمعوش كلمات الأغاني اللي زي التراك ده".
وأضاف:" عشان فيه ألفاظ مايصحش الأطفال و المراهقين يسمعوها و أسف أني اضطررت احطه على بروفايلي.. انا ضد الرقابة على الفن مهما كان نوعها بس بسألكم جميعا و بسأل الرأي العام .. أيه رايكم في المحتوى ده ؟".
وتابع:" أنهي دولة فالعالم مهما كانت متقدمة أو متحررة تسمح إن غنوة زي دي تبقى public كدة على اليوتيوب و هي بتتكلم عن زنا محارم و مصايب تانية ؟ و بالنسبة للناس اللي بيقولوا لازم نواجه الكلام ده باننا نشتغل و ننتج محتوى محترم عشان المستمع ميروحش يسمع الكلام ده.. قولولنا أنا و زمايلي المؤلفين و الملحنين و الموزعين هنواجه ده إزاي ؟ تحبوا نعمل اغاني فيها ده يعني مثلا ولا نعمل ايه؟؟هو ده المحتوى اللي أنت كمصري عايزه يمثل بلدك؟؟ اللي علمت المنطقة كلها يعني ايه فن و يعني ايه ابداع ؟".
وأشار :"ومعلش محدش يقول إن ده فن طالع من الشعب و الطبقات البسيطة...أنا مولود في المطرية ومتربي في الزيتون و أول مرة اغني فى فرح كان فى مركز شباب سراي القبة ، و أحنا عارفين كويس الناس البسيطة عاملين ازاي، و أحنا طول عمرنا احنا و جيراننا و صحابنا ناس بسطاء عايشين بالستر بس كلنا محترمين و عمرنا ما كنا كدة ولا شفنا كدة الا فى أقلية موجودة فى كل حتة و مكانهم معروف فين لكن حواري وشوارع مصر مش كدة كلمة أخيرة احنا مش انبياء ونجتهد ونشتغل وممكن نغلط بس محدش فينا عمره وصل للمرحلة دي من السفالة والانحطاط ولو ده الي المستمع والفنانين عايزينه فى هنسيب الشغلانة دي خالص".
اترك تعليق