_x000D_ حوار تخيلي ............._x000D_ _x000D_ الطفل : ماما عايز اروح النادي _x000D_ الام : لا_x000D_ الطفل : ليه _x000D_ الام : كده وخلاص _x000D_ الطفل : يوه...انتي مش قلتي هنروح النهارده _x000D_ الام : مش فاضيه خليه يوم تاني _x000D_ الطفل : مليش دعوه انا عايز العب في النادي _x000D_ الام بعصبيه : انا قلت لا ..لا ..لا .._x000D_ ( الطفل يدخل في حاله من الاعتراض المصحوب بتكشيره عميقه ونظره مريبه واعلان قدوم الحرب واستدعاء كل مهاراته في البكاء وانذار بتحوله لموجات من الصراخ الي مدي نهايه )_x000D_ الطفل : مليش دعوه بقا ..انا عايز اروح النادي مليش دعوه _x000D_ الام : قلتلك مش هنروح النادي ..ولو اتكلمت تاني هتتعاقب _x000D_ ( الطفل يطلق بوق البكاء ثم يصرخ لمحاوله الضغط علي الام )_x000D_ الام : انت قليل الادب ..ياله على اوطك ومش عيزه اشوف وشك تاني _x000D_ الطفل : انتي وحشه و انا مش بحبك _x000D_ ( الام تصفعه علي وجهه فيبكي بصوت عالي ويجري على غرفته )_x000D_ _x000D_ النهايه _x000D_ _x000D_ طبعا ده مجرد تخيل لحوار بسيط بين ام وطفلها الصغير ...والاكيد الاكيد ان الام تعشق ابنها فهو اغلى ما لديها على هذه الارض ..والابن الذي تفوه بكلمه ( انتي وحشه وانا مش بحبك ) لا يقصد المعني الحرفي للكلمه ولكنه يحاول ان يرد قسوه امه عليه (من وجهه نظره طبعا) بقسوه اكبر ليشعرها بالذنب _x000D_ وكل ذلك لا لشئ الا .....لوجود كلمه ملعونه في الحوار هي ( كلمه لا غير المبرره) _x000D_ هذا الكلمه اذا وضعت في مكانها الصحيح اصبحت كنزا كبيرا جدا ..ووسيله هامه لتكوين شخصيه مستقله وقويه ...ولكن اذا لم توضع في موضعها الصحيح اصبحت لعنه حقيقيه ... وبدايه لكسر العلاقه بين الاهل وابنائهم وتصبح وسيله لتدمير الثقه بالنفس واشياء اخرى كثيره نشترك جميعا في انها امور سلبيه_x000D_ فمعظم اولياء الامور يستخدمون كلمه لا مع الاطفال دون توضيح السبب بشكل مقنع ودقيق وواضح _x000D_ (علي اساس انهم اطفال ومش هيفهموا ...او هو احنا لسه هنرغي معاهم ...او ماهما لازم يسمعوا الكلام من اول مره ولا هتبقا قلة ادب) ...والطفل طبعا يعترض بكل الوسائل التي يعرفها... وربما ابتكر وسائل اخري لا تخطر علي بال احد ليعبر عن اعتراضه علي هذا الاسلوب القهري المتعسف _x000D_ ولتقريب الصوره اكثر اقول: _x000D_ قبل ان تكوني اما ..وقبل ان تكون ابا.. انت انسان له كل مشاعرالبشر وكل احتياجاتهم .. فتخيل انك تحتاج لشئ بشده وهذا الشئ يمثل لك اهميه كبيره جدا جدا ..وعندما تطلب هذا الشئ تكون الاجابه_x000D_ ب (لا مش هينفع ) دون اعلامك بالاسباب او المبررات لهذا الرفض ..ماذا سيكون رد فعلك ؟ _x000D_ من فضلك فكر بعمق قبل الاجابه... وتذكر موقفا مشابها وتذكر رد فعلك فيه._x000D_ _x000D_ ومن هنا اقول ايضا :_x000D_ _x000D_ طفلك انسان كامل التكوين... ولكن في جسد طفل له نفس المشاعر وله نفس الحق في معرفه سبب الرفض واذا لم يعلم السبب ف له كل الحق ايضا في الاعتراض ولكن بوسائله الخاصه ...فكن حريصا علي اعلام طفلك بالاسباب لقول كلمه لا_x000D_ مع اغداقه بالحنان والحب واعلامه.. انه عند زوال هذه الاسباب سوف تحقق طلبه ان كان طلبا مسموحا طبعا ...او ان هذه الاسباب دائمة مما يجعل هذا الشئ غير وارد تحقيقه مع النظر في امكانيه ايجاد بدائل ان امكن ._x000D_ _x000D_ اعاده الحوار التخيلي مره اخري :_x000D_ _x000D_ الطفل : ماما عايز اروح النادي _x000D_ ( الام بحنان تضمه الي صدرها وتقبله وتلمس شعره بحنان شديد)_x000D_ الام : انا قلتلك فعلا اننا هنروح النادي النهارده ..وانا عارفه ان نفسك تروح علشان تلعب مع اصحابك ...بس انا عيزه اقولك ان فعلا غصب عني ..مش هقدر اوديك النهارده ...علشان جدتك اتصلت من ربع ساعه وقالت انها جيه عندنا ...وطبعا مش هينفع نسيب البيت ونخرج وهي تيجي متلقيش حد ...صح ولا ايه ؟_x000D_ الطفل : صح...بس انا عايز اروح النادي _x000D_ الام : وانا كمان عايزه اروح النادي علشان اشوفك وانت بتلعب وتفرح ...علشان ده بيفرحني ...مش انت عارف.. ان فرحتك بتفرحني...وان انا بحبك اوي اوي اوي كمان_x000D_ الطفل : وانا كمان بحبك _x000D_ الام : وعلشان انت شاطر وبتقدر الظروف...لما تيتا تيجي وترتاح شويه ...لو هي كانت قادره... هنروح كلنا النادي ولو كانت تعبانه من المشوار ... نروح بكره كلنا برده ...ايه رايك ؟_x000D_ الطفل : حاضر _x000D_ الام : بس دلوقتي ممكن نعمل حاجه تانيه مع بعض ...ها عايزنا نعمل ايه ؟_x000D_ الطفل : ممكن نرسم _x000D_ الام :ياله بينا ... حبيب ماما ( تقبله وتزيد من احتضانه)_x000D_ _x000D_ نهايه _x000D_ من الممكن ان يختلف شكل الحوار وتختلف سرعة استجابة طفل عن اخر .. فهناك اطفال يحتاجون إلى وقت اطول ليصلوا إلى مرحله الاقتناع والتفهم .. المهم هنا هو عدم فقدان الهدوء والسيطره علي النفس واشعار الطفل بالحب والحنان وانكم تشعرون بمشاعره وتعلمون جيدا اهميه ما يريد وتقدرون انه تفهم الموقف وتحاولون ايجاد بدائل اخري تشعره بالفرح ..._x000D_ _x000D_ دمتم ودام ابنائكم بكل خير _x000D_ _x000D_ _x000D_ _x000D_ _x000D_