حسين مرسى
"طوفان بشرى يزلزل الارض فى مدينه السويس ضد الانقلاب العسكرى وجرائمه وتفاعل شعبى ايجابى مع المسيرات والثقه فى نصر قريب من الله "_x000D_ _x000D_ استخرج من العبارة السابقة فعل ماض بمعنى راح وانقضى .. ولو مش عارف شوف حاجة تانية .. مثلا أوهام أو غيبوبة .. أو أحلام أو تخاريف على الماشي كده_x000D_ _x000D_ طبعا الإجابة فى منتهى السهولة لأن هذه العبارة مليئة بكل ما هو مطلوب استخراجه .. ومليئة بالأكاذيب والتخاريف والحقيقة الوحيدة فيها هى أن نصر الله قريب ولكن لمن .. هل نصر يأتى لمن يسعى للخراب والفوضى والدمار .. لمن يدمر ويفجر ويخرب فى بلد إسلامى ويقتل مسلمين أبرياء بحجة إقامة شرع الله الذى هو برئ منهم .. أو بحجة إعادة مرسي الرئيس المعزول بإرادة شعبية إلى الحكم .. هذا الرئيس الذي رفضه الشعب وخرج مطالبا بالإطاحة به_x000D_ _x000D_ نسيت أقول لكم إن هذه العبارة منشورة على صفحة حزب الحرية والعدالة وتتحدث عن ملايين خرجوا فى السويس ضد الحكم العسكري ووصف كاتب العبارة الذي يبدو أنه من كوكب تانى – وصف المسيرة بالطوفان البشري الذى زلزل الأرض .. أى والله طوفان بشري أحدث زلزالا وهز الأرض تحت أقدام الانقلابيين الىى احنا بنأيدهم عمال على بطال لسبب بسيط هو اننا بنحب بلدنا ولا نسعى لخرابها_x000D_ _x000D_ لا وكما كاتب العبارة يرى أن هناك تجاوبا شعبيا مع المسيرات المليونية بس الظاهر أنه نسي أن الشعب اللى بتكلم عليه هو اللى بيضرب مسيرات الإخوان فى كل حتة يروحوها قبل الشرطة ما تتدخل .. لدرجة أن الشرطة قدمت بلاغ أنها كل ماتروح تفض مظاهرة تلاقى المواطنين المفتريين فضونها وضربوا الإخوان اللى فيها .. وبالتالى فالشرطة زعلانة لأنها مش عارفة تشتغل كويس وده حقهم فعلا يعنى ينفع كل ما يروحوا حتة يلاقوا الشغل اللى فيها حد خلصه طيب يشتغلوا ايه هم بقى؟_x000D_ _x000D_ نسيت اقول لكم ان ردود الإخوان نفسهم اللى على الصفحة كانت بتسأل هى فين المسيرة وواحد قاله أنا لسه جاى من هناك مش لاقى حاجة ..الظاهر الصنف كان عالى أوي لصاحبنا اللى بيكتب الكلام ده_x000D_