رئيس مجلس الإدارة
طارق لطفى
رئيس التحرير
أحمد سليمان
رمضان زمان وبس
بقلم / نانسى ماهر...
فات أكتر من نص الشهر وكتير بسأل وكتير بتسأل
متابعة ايه؟ وأيه اللى عجبك فى رمضان السنة دى؟...
هتصدقونى لو قلت لكم مبعرفش أرد وبسكت مش حيرة أختيار ... لأ
لأنى اكتشفت أنى بجد مش عارفة أتابع ...
مش شايفة مصر ولا شعبها ولاجوها ولا كلامها ولا لمتها فى رمضان...
يمكن سنى وشكلى يخللى كتير ينتقدونى ويقولوا ازاى يعنى انتى هتقولى رأيك فى دراما عظيمة وانتاج ضخم زى اللى بيتعرض دلوقتى ؟!
من وجهة نظركم معاكم حق !
لكن صدقوا اللى فى سنى !
لأننا محتاجين جدا نشوف ونعيش مصر ورمضان زمان ...
لما بتفرج على دراما رمضان زمان بحس أنى لقيت نفسى مش حاسة بغربة ... ده شارعى ودى عمارتى ودول جيرانى ودول صحابى !
مصر البسيطة من غير تعقيد ... من غير كمبوند وأرضية ازاز وعربيات بتركن جوا الشقة !
من غير أكشن ومطاردات فى الشارع بالمسدسات كأننا بنتفرج على mbc أكشن !
من غير برامج استفزازية كل همها الفضايح او الصراخ ونكتشف فى النهاية ان الكل قابض ومتفقين !
بقينا نخرج من رمضان واحنا محتاجين علاج نفسى بسبب احساس العجز والفروق الطبقية الرهيبة بين الناس ...
ناس بتتكلم بالملايين وناس بتعيش بالملاليم !
وبسبب كم الصراخ والتوتر اللى بتسببه برامج بتسمى نفسها كاميرا خفية أو مقالب !
وهى مجرد تمثيليات سخيفة لنجوم قبلوا يمثلوا أدوار رخيصة !
وشعارهم ...( مش مهم الهدف المهم المعلوم ) !
وترجع تقولى انتاج ضخم وفن جديد ...
وفر فلوسك وسيبنا نعيش رمضان زمان ...
اترك تعليق