رئيس مجلس الإدارة
طارق لطفى
رئيس التحرير
أحمد سليمان
تعملي ايه لو جوزك نسي عيد ميلادك؟!
"تعملي ايه لو جوزك نسي عيد ميلادك" سؤال تم طرحه فى "كلام ستات لك سيدتى".. وهى احدى المجموعات على موقع التواصل الاجتماعى فيس بوك.
الاجابات تنوعت بين التقليدية سواء ايجابية مثل "عمره ما نسيه" او سلبية مثل "على طول ناسيه - ده العادى - عمره ما افتكره".
كما جاءت بعض التعليقات غريبة ولطيفة مثل "ربنا يخلى الفيس بوك بيفكرهم بيه.
- عادى جدا انا جوزى كان فاكره كويس جدا وطلقنى فى نفس اليوم كهديه يعنى.
- بفكره طبعا واخده وانزل اشتري لنفسي هديه وتورته وابسط نفسي . يا جماعه مش كل الرجاله بتهتم بالمناسبات دي زي الستات ف حاولوا تبسطوا نفسكم بنفسكم
- انا هعمل فرح لو افتكرني اصلا
- قصدك اعمل ايه لو جوزى افتكر عيد ميلادى أو عيد جوازنا أصلا
- عادتشى جدا اجيب تورتة لنفسى وهدية وهابى بيرزداى ي انا وهف وكل سنة وانتى طيبة يا انا
- هنسي عيد ميلاده واحده واحده والبادى اظلم.
- هعمل عبيطه وهبله فى عيد ميلاده
- حضرتك هو ناسيني شخصيا هيفتكر عيد ميلادي
- من امتى ياوختى وهو بيفتكره انا بصبر نفسي واقول هو كدا كدا حرام شرعاً
- وربنا كل شويه بفكرو لحد ما جه يوم عيد ميلادى ف قولتله مش هتقولى كل سنة وانتى طيبة قالى بليل س12 ويومها نام س9
- ليه ينسي بقا ان شاء الله... .. هو نسي يشرب
نسي ياكل نسي يعكنن عليه للاسف بفكره
اترك تعليق