رئيس مجلس الإدارة
طارق لطفى
رئيس التحرير
أحمد سليمان
رسالة حزينة من والدة التلميذة مليكه ضحية اتوبيس مدرستها بأكتوبر
وجهت مهرا مدحت والدة الطفلة مليكة صبحي التي دهست تحت عجلات اتوبيس مدرستها باكتوبر رسالة حزينة لابنتها الراحلة عبر صفحتها الشخصية علي فيس بوك، وقالت الام لابنتها فى الرسالة :-
اصحي من النوم ملاقيكيش جنبي اقوم مفزوعه و أنده عليكي يمكن اكون بحلم
ببص في وشوش كل الأطفال احاول اشوف ملامحك
بشم هدومك اللي ريحتك قربت تروح منها
فرشاة شعرك اللي باقي فيها شعرتين توك شعرك اللي متعلق فيها شعرة
عروستك لعبك طريقه ضحكتك
شقاوتك كل حاجه حلوة فيكي
اشهد الله يا بنتي اني اتقيت ربنا فيكي كنت بكلم ناديه المشرفه يوميا و الحضانه يوميا لما بنت زميلتك ضايقتك معرفتش انام الا لما احل مشكلتك مكنتش باقبل الهوا الطائر عليكي يا بنتي كنت بقولك سنيوريتا كنت حاسه انك اميرتي مش بنتي
ناديه تقتلك ليه
سواق باص المدرسه يدوس عليكي ليه
يكذبوا و يزيفوا الحقائق ليه
ليه اروحانا ملهاش ثمن
فرحتي تموت ليه
مش هنام الا أما حققك يرجع يارببببببب
#القصاص_العادل
#حق_مليكة
وحصلت الرسالة علي اكثر من تلاته الاف اعجاب وعلق عليها عدد غفير من الاصدقاء والمتابعين الذين طلبوا الرحمة للفقيدة وشددوا علي ضرورة القصاص العادل من القتلة
اترك تعليق