اعداد:ايمان عزام
صديقاتى العزيزات..كل عام وانتم بخير بمناسبة عيد الاضحى المبارك ..ايه رأيكوا لو نقدم وجبات مناسبة للعيد ونبدأها بالفتة ..انا عارفة ان كل ربات البيوت عارفين طريقتها بس انا هقدمها للناس اللى بيقدموها لاول مرة ._x000D_ المقادير : _x000D_ كيلو لحم ضانى بالعظم او اى نوع لحم تفضلوه او الكميه المناسبه لعدد الافراد _x000D_ توابل للشوربة ( حبهان وورق لاورى وقرنفل وفلفل اسود ومستكة )و ملح _x000D_ واحدة طماطم _x000D_ بصلة مفرومه_x000D_ فص ثوم مقشر وسليم _x000D_ خبز بلدى مقطع قطع صغيرة _x000D_ 2ملعقة زبدة و2ملعقة زيت _x000D_ 2كوب كبير ارز ابيض ناضج _x000D_ _x000D_ صلصة الفته: _x000D_ ربع كيلو طماطم – ملعقة ثوم مفروم – نصف كوب صغير خل – ملح وفلفل وبهارات- وملعقة صغير سكر _x000D_ _x000D_ الطريقة : _x000D_ - نضع اللحم بعد غسله وتصفيته فى حلة طبخ كبيرة ونضع عليه بصله مفرومه و2 فص ثوم نشقة من الوسط فقط وتوابل الشوربه ونشوحها حتى تخرج مائها وتتشربها وتنزل بعض الدهون _x000D_ - نضيف الماء المغلى بقدر يناسب السلق و1طماطم مهروسةوكلما احتاجت ماء نضيف ماء مغلى حتى تمام النضج ونضيف الملح فى الاخر. _x000D_ اثناء نضج اللحم نجهز الصلصه ونحمر الثوم فى ملعقة زيت وزبدة ونضيف الخل وبعد الغليان نضيف الطماطم وكوب شوربة وملح وفلفل وسكر وبهارات ونتركها تتسبك. _x000D_ نحمر الخبز المقطع فى ملعقة زبدة وملعقة زيت حتى يصير لونه ذهبى جميل ثم نضيف علية بعض من الصلصة بالخل والثوم ونقلبه جيدا وعند تمام نضج اللحم نضع الخبز فى وعاء التقديم ونضيف الشوربة بالقدر الكافى ونغطى الفتة حتى تتشرب الشوربة _x000D_ - بعد ذلك نضيف الارز الابيض الناضج على وجه الفتة ونضيف بعض من الصلصة بالخل والثوم ونرفع اللحم من الشوربه ونضع بعض قطع منه على وجه الفته بصورة جمالية و الباقى فى وعاء على حده. _x000D_ وتقدم بجانب السلطة الخضراء والرقاق المصرى وبالهنا ._x000D_