رئيس مجلس الإدارة
طارق لطفى
رئيس التحرير
أحمد سليمان
أول تعليق للفنانة نورهان بعد رحيل والدتها
كشفت الفنانة نورهان عن ذكرياتها مع والدتها التي رحلت عن عالمنا أمس الثلاثاء.
شاركت نورهان مجموعة من الصور لها برفقة والدتها عبر حسابها الرسمي بموقع فيسبوك وعلقت: قبل اختراع الـ princess treatment ، كانت أمي سابقة عصرها وعملتهالي مامتي كانت بتعمل لي أعياد ميلاد الناس تسناها من السنة للسنه وكانت هى تحضر لها من قبلها بشهر تزين البيت وتعمل البوفيه كله بنفسها والتورتة 3 أدوار كأني عروسة ومع أنها كانت بتقف في المطبخ اسبوع كامل قبلها هي وكتب ابلة نظيرة، بس كانت تطلع يوم العيد ميلاد زى القمر كدة برده زى مانتوا شايفين .. معرفش ازاي و يبقي يوم تتحاكي بيه الأهل والاقارب والجيران.. تقولش الاميرة قطر الندى.. ايه يا مامي كل دا يا حبيبتي.
تابعت: في بيتنا في إسكندرية فتحت الدولاب طلعت الالبومات .. و انا باقلب و باضحك و بابكي في نفس الوقت .. افتكرت جنب كل صورة الف ذكري غيرها جزاكي الله عني كل الخير يا حبيبتي .. ربيتيني ورعيتيني وفضلتيني علي الكل وعلي نفسك .. احسن مدارس وأحسن لبس وأكبر مكتبة كتب ووقتك كله كان مكرس ليا بكل اهتمام.
أضافت: بفكر دايما لما دلوقتي علماء النفس بيقولوا للأهالي ان الأهم من من أنك تشتري لولادك حاجات هو انك تقضي معاهم quality time وقتك ودعمك النفسي بفتكر أمي ازاي فعلا بقي مش هزار كانت سابقة عصرها والنظريات و الورش التربوية .. اسألكم الدعاء لها.
اترك تعليق