رئيس مجلس الإدارة
طارق لطفى
رئيس التحرير
أحمد سليمان
مدحت العدل: أم كلثوم صوت الشعب والمسرحية هتلف الأقاليم والسعر مناسب
أكد المنتج والسيناريست مدحت العدل، إنه قرر تقديم عمل مسرحي عن أم كلثوم بعد أن كتب قصيدة بعنوان "صوت الست"، موضحًا أنه شعر بعدها أن المشروع هو قدر فني لا بد أن يحققه هذا العام.
وأضاف قائلا: "كتبت القصيدة، اللي هي (صوت الست) أنا كتبتها وحسيت إني مش هعمل غير ده، ولازم تتعمل السنة دي عشان مرور 50 سنة."
وتابع مدحت العدل في لقائه مع الإعلامية منى الشاذلي ببرنامج "معكم" الذي يذاع عبر قناة ON، أنه كان يحمل تصورًا محددًا أثناء كتابة النص، يقوم على المزج بين تقنيات السينما وروح المسرح، قائلًا: "أنا كاتب المسرحية في ذهني أشياء معينة، وكنت عايز أعملها سينما على المسرح يعني ده الأسلوب اللي جه في دماغي وأنا بكتب."
وأشار مدحت العدل، إلى أنه أراد من خلال التجربة أن يخاطب الأجيال الجديدة ويعيدها إلى أجواء زمن أم كلثوم بكل تفاصيله، قائلًا: "كانت يعنيني إنها توصل للشباب الصغيرين، أنا مش عايز أقدم أغاني لأم كلثوم ساعة، أنا عايز أقدم تجربة لأسرة مصرية تروح من أول ما تخش من الباب تحس إنها رجعت 70 أو 80 سنة ورا."
ولفت مدحت العدل أن المسرحية ليست مجرد عرض غنائي بل تجربة تفاعلية متكاملة، قائلاً: "أنتِ بتخشي حالة تلات أربع ساعات، إحنا حاولنا نعمل التجربة دي، فالعرض مش مجرد مسرحية، ده عالم كامل داخل القاعة وخارجها وما بعدها."
وشدد أنه حرص على أن تكون أسعار التذاكر مناسبة لكل الفئات، لافتًا إلى خطته لتقديم العمل في مختلف المحافظات، وقال: "أسعار التذاكر نص أسعار تشارلي شابلن، كنت مُصر إن أي مصري أو أسرة عادية تقدر تخش، وأنا هلف بيها الأقاليم كلها أم كلثوم مش بتاعتي، دي بتاعت الشعب، أم كلثوم صوت الشعب."
واختتم مدحت العدل حديثه قائلًا: "بعد ما قفلنا الستارة، كله انهار في العياط، لأن التوتر كان كبير جدًا، وأنا بشتغل ببقى دقيق ومهذب، بس عصبي بشكل غير طبيعي، وده يمكن سر الشغف اللي بيبان في النتيجة".
اترك تعليق