رئيس مجلس الإدارة
طارق لطفى
رئيس التحرير
أحمد سليمان
أحمد سالم يكشف تفاصيل ظهور باسم يوسف في "كلمة أخيرة"
كشف الإعلامي أحمد سالم، تفاصيل ظهور باسم يوسف في فقرات ثابتة ضمن برنامجه "كلمة أخيرة"
وقال أحمد سالم: “خليني أوضح الأمور ببساطة، باسم يوسف هيكون معنا في مجموعة حلقات خاصة جدا، وهنفتح من خلالها موضوعات وقضايا متنوعة، قضايا بتهم المصريين وقضايا بتهم العالم العربي والعالمي، والأهم من كل دا إن القيمة مش في الأرقام، القيمة في إن باسم يوسف قدر يوصل بصوته للعالم كله، قدر يدخل في مناظرات وحوارات مع مؤثرين وناشطين في عقر دارهم وبنفس لغتهم، وبنفس طريقته الساخرة، لدرجة أن هو بيهزر معهم بطريقتهم، ودا مسموح على منصات الإعلام الغربي”.
وأضاف: "خلونا نعترف إن باسم يوسف ليه ميزة افتقدناها كتير في إعلامنا العربي، معندناش إعلامي له تأثير دولي، دي بقالنا كتير مش موجودة عندنا في الوقت الحالي، في ناس بتحاول تصطاد في المية العكرة، عارفينهم، في ناس بتحاول تستغل ظهور باسم يوسف عشان تروج لأفكار ويوجهوا النقاش في مواضيع تانية خالص، لكن الحقيقة إننا هنا مش بنجري وراء الشائعات، احنا هنا عشان نقدم محتوى مختلف يليق بجمهور "كلمة أخيرة".
وكانت قناة ON أعلنت عن ظهور اسم يوسف عبر شاشاتها من خلال برنامج "كلمة أخيرة" مع أحمد سالم.
اترك تعليق