رئيس مجلس الإدارة
طارق لطفى
رئيس التحرير
أحمد سليمان
آيتن عامر توجه رسالة مؤثرة لوالدها
شاركت النجمة آيتن عامر في تريند الصور المنتشر مؤخرًا على مواقع التواصل الاجتماعي، ونشرت صور تجمعها بوالدها الراحل.
صرحت آيتن عامر قائلة: وحشتني أوي أوي أوي وحقيقي محتاجة لك، الدنيا مش حلوة يا بابا ولا الناس كمان. كل مرة بتحط في اختبار صعب أو أزمة مفيش حد بييجي في دماغي غيرك، أول واحد نفسي أجري عليه وأقوله الحقني بيبقى أنت. وجودك كان هيفرق أوي أوي. يمكن عمري ما قلت إن غيابك مسببلي أزمة كبيرة ولا قلت اللي جوايا، بس هييجي يوم وأبقى قوية كفاية إني أواجه وجع قلبي وأطلع كل الكلام اللي جوايا ومقولتوش.
تابعت: زعلانة منك في حاجات ومفتقداك في حاجات أكتر بكتير، ومتاكدة إنه لو كنت موجود كنت هتبقى السند، بس غيابك خلاني أنا السند لنفسي وللي حواليا كمان. لأن فيا منك كتير، خصوصًا قوتك وجدعنتك مع الكل، بس أنا تعبت من كتر القوة وزهقت، مبقتش عايزة أدخل حروب ولا عايزة مشاكل. اللي عايز يفهم حاجة يفهمها واللي عايز ياخد فكرة ياخدها، لا هبرر ولا هدافع .. اتطمن، بنتك بميت راجل ومهما قابلت هتفضل واقفة وراسها في السما، هتاخد استراحة محارب، وعمرها ما هتبدأ حروب، بس دايمًا هتكون مستعدة وجاهزة لأي حاجة، وساعتها مش هيكون في احتمالية للخسارة».
اختتمت: بحبك ووحشتني وزعلانة منك ومشبعتش منك، وجوايا وجع كبير بس مش هقولك غير كلمة واحدة: اتطمن بنتك قدها .. اتطمن، بنتك بميت راجل ومهما قابلت هتفضل واقفة وراسها في السما، هتاخد استراحة محارب، وعمرها ما هتبدأ حروب، بس دايمًا هتكون مستعدة وجاهزة لأي حاجة، وساعتها مش هيكون في احتمالية للخسارة.
اترك تعليق