الفنانة فريدة سيف النصر تقدمت ببلاغ إلى النائب العام ، وشكوى إلى نقابة المهن التمثلية برئاسة الدكتور أشرف زكى ، وذلك بعد إتهام عدد من صناع المحتوي على "تيك توك" بالإساءة إليها من خلال فيديو متداول عبر مواقع التواصل الإجتماعى ، وكتب على صفحتها قائلة 

من اللهو الخفي .رئيسة العصابه ..الرجل التاني...الي سيادة النائب العام..وسيادة نقيبنا د.اشرف..اول قضيه اقفلوا التيك توك في مصر احنا عندنا ناس لهم اتجاهات مريضه ماينفعش نديهم ميكرفون وشاشه ويقعدوا يبرطعوا كده دوول قنابل موقوتة كلها حقد ومصالح بث السم في العسل..نصيحه اقفلوه..

وحد يقوللي نرفع قضيه عليهم ازاي بتوع التيك عوك دوول. وتعويض بقي ونشوف الملايين اللي بقت مع بتوع القضيه.عيله صغيره معديه العشرين مليون وكله معاه ملايين.والملاليم مع زعيمة العصابه اللي هي.حضرتي طيب ازاي...

كده احنا بقينا في قمة انحطاط السوشيال ميديا ..اللي مزقوق علي حد أو لغرض ما يقول مابداله ويقبض. لا والله هي ماتمشيش كده.هو مش هزار أو خفة دم..دي سمعة حد من بيت محترم طلع عينه لوحده وعاش أقل من العادي علشان يفضل محترم..والعجيب أن الزملاء دوول عمري مااشتغلت معاهم سينما او مسلسلات ولاخرجت ولا اتعزمت مافيش صله اصلا . غير بدريه من تلاتين سنه مسرح وزوجها كان الملقن وراجل طيب..ماليش علاقه اصلا بحد عموما.لا معاهم في صور ولا حفلات ولا داعمين وداعمات وفيلا وعربيات ورصيد ومجوهرات احمدك ياااااارب..ماتفتح ياعم سمسم المغاره لينا شويه افتحها ل علي ماما ..طيب هاتوا صوره .مكالمه اي حاجه..كده عيب وهبل... أنابقي الزعيمه اللهو الخفي الرجل الاول..اللي بأذي لمجرد الأذي يعني بلا مقابل..طيب ده العيله الاردنيه عدت عشرين مليون..طيب فوتوا لي فيللا عربيه رصيد حبة دهب اي حاجه يعني.وليه أنا بالذات .عموما اللي اخدتوه أنا هاخده منكم تعويض وتشهير اهو رزق الهبل عالمجانين..أنا بلغت النقيب ودخلت صفحاتهم..أنا مش احسن من اللي شاتمينهم المؤسسات والرياسه والدنيا زايطه عندهم..والست دي بلقيس بتقول انها نبيه وجالها وحي..وهو الوحي جابني ليكي في نافوخك..أنا عايزه حق اهلي وابني واحفادي وعمري اللي ضيعته اتحاشي كل غلط علشان أفضل محترمه كل اللي حيلتي الاحترام وحبكم ولو تشوفوا دفاع الناس عني بالدنيا واللي عليها..توكلت علي الله..الست دي..وواحد عنده محتوي مسميه افلامنجي..وواحد اسمه خالد مهران برغم أنه اعتذر بس اسفه مش مسامحه وواحد اسمه برنس والست دي اللي معرفش اسمها سمراء الواقعه وبتأكد هانزل صورتها.هما اربع رجاله وخمس ستات هاربين فيديوهات..وهما أصحاب وعند بعض..برضه مش فاهمه ليه..ليه انا هانعرف وان كان المقصود شغلي يقف والله ما هاسيب. حقي..توكلت علي الله السيد النقيب هايوديهم علي طول عالنائب العام الله يخرب بيوتكم ده انا طول مامعنديش شغل قاعده في بيتي اومال لو كنت منتشره زيكم كنتم قولتوا أن نتنياهو بياخد أوامره مني...ياللا انتم عملتم عليا فيلم /الرجل التاني/ وانا هاوريكم* فيلم امير الانتقام..* توكلت علي الله الملك الحق المبين ..

Previous Next