رئيس مجلس الإدارة
طارق لطفى
رئيس التحرير
أحمد سليمان
ياسمين رئيس : " للأسف معندناش تأمين في شغلانة الفن"
تحدثت الفنانة ياسمين رئيس عن مسيرتها الفنية، مشيرة إلى التغير الكبير الذي طرأ على نظرتها لمجال العمل الفني منذ بداياتها وحتى اليوم.
وقالت ياسمين رئيس فى تصريحات إذاعية : أنا نفسي أكتب حكايتي مع الفن.. ونظرتي للشغلانة اختلفت عن أول ما بدأت، في البداية مكنتش فاهمة كنت داخلة أمارس هوايتي، ومش عارفة أنا داخلة أعمل إيه ولا أنا فين.
وأضافت ياسمين رئيس: بدأت بحاجة بحبها، مش شغل، لكن الموضوع مش كده.
لازم يكون فيه فكر وترتيب، وحاجات تنفع وحاجات متنفعش، وناس أكبر مني وناس أصغر مني. حاجات كتير اتعلمتها مع الوقت.
وتطرقت إلى الضغوط التي يتعرض لها الفنانون، قائلة: نفسي يقدروا الإنسان أكتر من الوقت. الفنانون بدأوا يضغطوا على نفسهم جدا، وبيبقوا شباب وتعبانين.
وأضافت: للأسف، معندناش تأمين في شغلانة الفن، فبتمنى يكون فيه تأمين على الفنانين.
وتابعت: أنا اتمنيت أعمل فيلم زي فيلم ماما وبابا، والحمد لله جالي الموضوع واتبسطت جدًا، وعمري ما جربت إحساس إن الأطفال بتضحك وهي بتتفرج على فيلم ليا، وكان معايا ابني في العرض الخاص ودي أول مرة يحضر معايا، هو وأصحابه وولاد أخويا قعدت معاهم ولما كانوا بيضحكوا كان من قلبهم، قلبي كان بيرفرف بجد.
اترك تعليق