رئيس مجلس الإدارة
طارق لطفى
رئيس التحرير
أحمد سليمان
- وزير الدفاع يشهد المرحلة الختامية للتدريب المشترك النجم الساطع 2025
- الرئيس السيسى يجدد الدعوةللرئيس التونسى للمشاركة بافتتاح المتحف الكبير
- الرئيس السيسي يوجه بترسيخ دور مصر كمركز إقليمي للطاقة في شرق المتوسط
- تفاصيل زيارة وفد وزارة التعليم لمحافظة المنوفية
- رئيس الوزراء يستقبل نظيرته التونسية بمطار القاهرة الدولي
خطوات عمل خبز البريوش الأصلي فى دقائق
اليك خطوات عمل خبز البريوش الأصلي فى دقائق وتمتعى بمذاق شهى على مائدة فطارك ...المقادير والطريقة فى السطور التالية.
المقادير:
⁃ 2 معلقة كبيرة ماء دافي (30 مل)
⁃ 2 معلقة صغيرة خميرة جافة
- 4 كوب دقيق (500 جرام)
- كوب الا ربع حليب دافي
⁃ معلقة ونصف صغيرة ملح
- 2 بيضة
- معلقة صغيرة فانيليا
- نصف كوب زبدة (صابع)
- ربع كوب + 3 معلقة كبيرة سكر
- بيضة مخفوقة
- زبدة مذابة
طريقة التحضير :
- قلبي الخميرة فى الماء الدافي وسيبيها على جنب لمدة 5 : 10 دقايق لحد ما تنشط، في نفس الوقت اخفقي الزبدة مع السكر باستخدام مضرب السلك لحد ما تبقى ناعمة وسيبيها على جنب.
- ضيفي الدقيق والملح في الميكسر واخلطيهم وبعدين ضيفي الحليب والبيض وخليط الخميرة واعجني لخد ما تجتمع العجينة.
- ضيفي خليط الزبدة والسكر بالتدريج ( 2 معلقة كبيرة فى كل مرة ) مع الخفق بعد كل اضافة.
- اعجني لمدة 3 : 5 دقائق أو لحد ما تكون العجينة مرنة وسلسة.
- شكلى العجينة على شكل كرة وحطيها فى طبق مدهون زبدة وغطيها وسيبيها تخمر لمدة ساعة و45 دقيقة.
- اضربيها كام ضربة لتحت وغطيها مرة كمان ودخليها الثلاجة وسيبيها طول الليل.
- في تاني يوم ارفعي غطاء العجينة وسيبيها فى درجة حرارة الغرفة لمدة ساعة.
- بعد الساعة قسمي كرة العجين 4 أجزاء متساوية فى الحجم وشكلي كل واحدة منهم على شكل كرة.
- حطي كل 2 كرة من العجين فى قالب خبز مستطيل الشكل ومدهون بالزبدة.
- غطى العجين وسيبيه يخمر مرة كمان لحد ما يصل لحافة القالب ) وبعدين ادهني سطحه بالبيضة المخفوقة.
- دخلي الخبز الفرن المسخن مسبقا على درجة حرارة 180 لمدة 30 : 35 دقيقة أو لحد يبقى لونه ذهبي واول ما تخرجيه من الفرن ادهني سطحه بالزبدة المذابة وخليه يبرد لمدة ساعة وقدميه.
اترك تعليق