رئيس مجلس الإدارة
طارق لطفى
رئيس التحرير
أحمد سليمان
هيدي كرم: مصطلح السينما النظيفة ودانا في داهية
كشفت الفنانة هيدي كرم سبب رفضها تقديم مشهد قبلة رفقة الفنان يوسف الشريف في فيلم آخر الدنيا، بالإضافة إلى رأيها في مصطلح السينما النظيفة.
وقالت هيدي كرم في تصريحات تليفزيونية: في فيلم آخر الدنيا كان في مشهد مع يوسف الشريف فيه قُبلة، وقُلت ساعتها مش هقدر أعمل ده، ومش عايزة وفيه مجتمع وعيلة ومش هينفع، المخرج أمير رمسيس وقتها قالي عارف بس مش هينفع ألغيها خالص لأنها مهمة جدا للأحداث، لكن هنتحايل بتكنيك الكاميرا، وكانت عايزة حرفنة مننا لكن هي محصلتش.
وأضافت هيدي كرم: فكرة السينما النظيفة والسينما اللي مش نظيفة والسينما المبقعة مودناش في داهية غير هذه الأفكار، وأنا مش مع السينما الرخيصة اللي بتستخدم ده، أنا مش مع إني أتنازل عن فكرة رائعة في فيلم بسبب إن فيه مشهد أو اتنين مش عارفين ننفذهم بشكل مقبول.
وعن قرار عدم تقديمها مشاهد القبلات في أعمالها الفنية، اختتمت هيدي كرم حديثها: مقدرش أقول إني قررت معملش قبلات في أعمالي، مفيش حاجة اسمها قرار في حاجة.. اسمها هينفع أعمل ده بالشكل المريح بالنسبة ليا ولا لأ.
اترك تعليق