رئيس مجلس الإدارة
طارق لطفى
رئيس التحرير
أحمد سليمان
ذكرى ميلاد شعبولا..
" مش خايف من الموت وكلنا هنموت ".. أخر كلمات شعبان عبد الرحيم
تحل اليوم ذكرى ميلاد المطرب الشعبى شعبان عبد الرحيم،الذي ولد في 15 مارس 1957، وفارق الحياة يوم 3 ديسمبر عام 2019 عن عمر يناهز الـ 62 عاماً،والذى قدم العديد من الأغانى تظل فى تاريخه الفنى.
قال شعبان عبد الرحيم فى تصريحات تليفزيونية سابقة قبل رحيله : "مش بكون خايف وأنا رايح المستشفي، لأن بكون رايح وأنا على رجلي لما بتعب عشان أخد جلسات أكسجين وأخرج تاني».
واستعاد شعبان عبد الرحيم، ذكرياته وقت دخول العناية المركزة في إحدى المرات، قائلًا: «داخل المستشفى على رجلي، على أمل إني هخرج كمان كام ساعة، فجأة لاقتهم بيحجزوني في نفس اليوم، وطلعت على العناية المركزة وقعدت فيها 15 يوم».
وأكد شعبان عبد الرحيم :أنه لم يتخوف من فكرة الموت إطلاقًا، قائلًا: «الموت بتاع ربنا مش بخاف منه، ده أنا بفكر فيه كأني هموت بكرة، مش خايف من الموت، ده الموت بتاع ربنا، ياريت الواحد يموت دلوقتي، من كتر البلاوي اللي الواحد بيشوفها، والتخبيط اللي بيحصل في الدنيا».
وأضاف شعبان عبد الرحيم، «كلنا هنموت.. كل واحد له يوم.. أبويا وأمي ومراتي ماتوا.. مش خايف من لقاء ربنا أبدًا».
اترك تعليق