رئيس مجلس الإدارة
طارق لطفى
رئيس التحرير
أحمد سليمان
لمة رمضان
رانيا فريد شوقي: نفسي أعزم أبويا وأمي علي الفطار
نفسي اعزم ابويا وامي علي الفطار..إجابة سريعة قالتها النجمة رانيا فريد شوقي ردًا علي سؤال تتمني من يكون ضيفك علي إفطار رمضان..وتضيف وحشوني جدًا.
قالت النجمة رانيا فريد شوقي: أول رمضان يمر عليا بعد رحيل والدتي..احساس موجع جدا لأن وجودها كان يعوض غياب ابويا الملك فريد شوقي. لكن حقيقي رمضان السنة دي طعمه متغير مش قادرة احس بالبهجة اللي كنا بنحسها واحنا حوالين والدتي لأنها علي طول كانت معايا وهي التي كانت تشرف علي كل حاجة في المطبخ وبتعمل بايديها كل حاجة.
وتضيف: امي رحمها الله علمتني انا واختي عبير انه رغم انشغالات الام والاب والأبناء بحياتهم .اللي عنده الشغل واللي عنده المذاكرة لكن فيه مناسبات مقدسة لازم نتلم فيها كلنا اهمها فطار رمضان والسحور.. وسبحان الله انها اتوفت يوم عيدالام 21مارس..مش عارفة ازاي هيمر عليا وهيا مش موجودة رغم اني اكيد مؤمنة بالله وكل بني آدم له ميعاد لكن فقد الام احساس صعب جدا ..اللي يصبرني يقيني انها باذن الله في مكان اجمل بكثير وربنا يجمعها بابويا اللي فضلت عايشة علي ذكرياته لحد اخر وقت.
وتقول النجمة رانيا فريد شوقي: ربنا يحفظ بناتي و زوجي لأنهم دايما حواليا حتي لما اكون في المسرح او عندي تصوير متابعيني لأنهم حاسين ان لسة مش قادرة استوعب فراق امي وغياب صوتها وحضنها..ربنا يحفظ كل ام وأب لاولادهم.
اترك تعليق