رئيس مجلس الإدارة
طارق لطفى
رئيس التحرير
أحمد سليمان
حمادة هلال: اشتريت كفن وقبر لأمي قبل وفاتها بأسبوع.. وهذه وصيتها
أكد النجم حمادة هلال، أن والدته تعبت بشكل كبير في حياتها وكانت صبورة في المشوار مع والدها، مضيفا: "أمي تعبت معايا جدا وبتعلم من أمي ومراتي كانت بتحبها جدا، وفي البداية أمي كانت أكتر واحدة صبورة وكانت واقفة مع أبويا واحنا أربعة اخوات وتعب علينا جدا".
وأضاف حمادة هلال، خلال حواره مع الاعلامية أميرة بدر ببرنامج "أسرار"، المذاع على قناة النهار، أن والدته كانت سند في رحلة والده قائلا: "أمي كانت سند لأبويا وممكن ميبقاش معاها أي حاجة ولكن تعرف تدبر أمورها وربنا كرمنا بيها ولما جالها مرض السرطان وأخذنا قرار اننا منعرفهاش ولما بدأنا رحلة الكيماوي كانت صعبة جدا وكنت بقول للطبيب بلاش تجيب لها سيرة إنها مريضة سرطان".
واستكمل: "أمي كانت طيبة جدا وذكية وفضلت عامله نفسها مش عارفه إنها مريضة سرطان وهي حبت الفيلم ومشيت معانا وخفت شويه وبعدين حصل انتكاسة وصبرت على المرض وكانت دائما تعلمنا ازاي نحافظ على النعمة".
وكشف: "قبل ما أمي تموت بأسبوع رحت اشتريت لها كفن وقلت لأسرتي أمي الاسبوع ده هتمشي وكانت بتفوق وتروح في غيبوبة، وخالتي قالت لى مامتك مكنتش عايزه تدفن في البلد عايزه تدفن في القاهرة فمكنتش جايب مقابر في القاهرة وقابلت راجل محترم هو مقاول واشتريت قبر قبل ما تتوفى وكنا هنروح البلد لكن اشتريت القبر في القاهرة عشان وصيتها".
اترك تعليق