رئيس مجلس الإدارة
طارق لطفى
رئيس التحرير
أحمد سليمان
لقاء نادر ..ذكرى ميلاد "إمبراطور المسرح "..
جلال الشرقاوى :" أنا ديكتاتور وراجل والنظام والفن توأمان"
تحل اليوم ذكرى رحيل الفنان و المخرج الكبير جلال الشرقاوي ،أهم رواد المسرح المصرى والعربى ، والذى ولد 14 يونيو 1934 محافظة دمياط ورحل عن عالمنا فى مثل هذا اليوم 4 فبراير 2022 عن عمر يناهز الـ 87 عاماً بعد رحلة طويلة على خشبة المسرح والشاشة الفضية والدراما .
وكان يوصف المخرج جلال الشرقاوي بـ"الديكتاتور" داخل الوسط الفني، ورد على ذلك في لقاء تليفزيوني نادر ببرنامج "حوار صريح جدا"، قائلا: "يتردد عني في الوسط الفني أني ديكتاتور.. وده لأني أتبع أسلوب ديمقراطية الحوار وديكتاتورية التنفيذ".
أضاف: "أنا راجل جاد شوية، ومنضبط شوية، وملتزم شوية، وأُفرق ما بين الوقت الجاد والوقت الهزار واللعب، ولما ببقى في أي وقت فيهم بكون كويس أوي، وعملية التفريق بين كل وقت فيهم يمكن مش واضحة في ذهن الكثيرين".
وتابع الشرقاوي: "الفن بالنسبة لي نظام، والفرق بينه وبين الطبيعة أنها تُعد فوضى بعكس الفن الذي يُعد نظام، فالنظام والفن توأمان، وهناك مثل بيقول (النظام هو روح أو عطر العمل الفني)".
واستكمل: "هناك فوضى في العمل الفني، فالمسألة عندنا ماشية (يلا نمثل) بمعنى المسرحية التليفزيونية أو المسلسل التليفزيوني أو البرنامج التليفزيوني بقي سلعة مستهلكة زي رغيف العيش بتتشاف مرة واحدة وتترمي، وعايزة إنتاج جديد باستمرار.. وزي ما في سينما المقاولات أيضًا هناك مسرح المقاولات.. شوية تلاقيهم قاعدين على قهوة وبيكتبوا ورقتين ويلموا اتنين ممثلين أو أربعة ويدولهم فلوس كتير وكويسة أوي، وبيعملوا بروفة مرة واحدة وهما واقفين على المسرح، ويصوروا الرواية وهما مش عارفين بيقولوا إيه وكل الوسط يعلم هذا الكلام".
اترك تعليق