رئيس مجلس الإدارة
طارق لطفى
رئيس التحرير
أحمد سليمان
احمد فهمى يصدم جمهوره بـ إجرائه عملية قلب مفتوح
كشف الفنان أحمد فهمى عن تعرضه لأزمة صحية شديدة نتج عنها إجراء عملية قلب مفتوح وهو الأمر الذى تسبب فى تغيير نظرته للحياة بشكل كبير.
وقال أحمد فهمى فى برنامج كلام نواعم : " بحب اهتم بجسمي أوي وأروح الجيم وأكل كويس، في 2016 كنت أول مرة اشتغل مسلسل لرمضان وأخلص قبل رمضان عادة بنخلص تصوير في رمضان، خلصت قبله بكام يوم وأنا بحب الحلويات أوي ورمضان بقى كنافة وقطايف لقيت نفسي بزيد على الميزان قلت أروح للدكتور عشان أظبط الأكل، وهو بيكشف عليا عمل ريأكشن كده حاول ميبينوش بس أنا فهمت وطلب مني تحاليل".
واضاف أحمد فهمي : عملت التحاليل رجعت له قالي أنت عندك حاجة في القلب قلت له إزاي المفروض أحس بأعراض، قالي محتاجين نكشف، كشفت في حاجة اسمها الصمام الميترالي عندي فيه قطع بسبب العصبية، سافرت وعملت عملية قلب مفتوح في إنجلترا فجأة في اللحظة دي شفت الحياة بمنظور مختلف تماما الدكتور وهو معايا دخلنا أوضة العمليات عشان يشرحلي قالي السرير دا أنت ممكن بعد ساعتين تقوم وممكن لأ بيتكلم عادي أنا مأخدتش الكلمة أنها حاجة وحشة وأخدتها بطريقة إيجابية بس من اللحظة دي بقيت بشوف الحياة بمنظور مخالف وأن الواحد بيلهث على أشياء ممكن تكون مش مهمة أوي.
اترك تعليق