رئيس مجلس الإدارة
طارق لطفى
رئيس التحرير
أحمد سليمان
الإنجليش كيك أجمل ما يمكنك إعداده لأسرتك في الويك إند
يكون الكيك غالبا حاضرا في معظم الأوقات التي يجتمع فيها جميع افراد الاسرة وخاصة في إجازات نهاية الاسبوع، لذلك سنتعرف اليوم على واحدة من أجمل طرق عمل الكيك في المنزل وهي طريقة عمل الانجليش كيك.
المقادير..
اربع بيضات
كوباية كبيرة سكر
كوباية كبيرة دقيق
كوباية زيت صغيرة
كوب صغير فواكه مجففة أو زبيب أو مكسرات أو سوداني
معلقة كبيرة ممسوحة بيكينج بودر
رشة ڤانيليا
رشة ملح
الطريقة..
نضيف كوباية السكر ورشة الڤانليا على الأربع بيضات ونخفق الخليط على السرعة الواطية بالمضرب الكهربائي أو الخلاط أو المضرب اليدوى لغاية ما السكر يدوب تماما
بعدها هنرفع سرعة الخفق وننزل بكوباية الزيت سرسوب بالتدريج لغاية ما القوام يتقل معايا
بعدها نحضر الخليط الجاف هانضيف الفواكه المجففه على كوباية الدقيق وعليهم البيكنج بودر ورشة الملح ونقلبهم مع بعض كويس "ودى خطوة مهمة عشان الفواكه تتغلف بالدقيق وماتسقطش فى قاع الكيك تحت"
بعدها نضيف الخليط الجاف ده كله على الخليط السائل ونقلبهم كويس سوى لحد ما الدقيق يدوب تماماً
هانكون مجهزين الفرن بتاعنا من قبلها على درجة حرارة ١٨٠ وبنحط الكيك فى قالب وبندخله فى الرف الأوسط لمدة ٣٥ دقيقة
اترك تعليق