رئيس مجلس الإدارة
طارق لطفى
رئيس التحرير
أحمد سليمان
ماذا قال مجدي أبو عميرة لـ أحمد عز فى مسلسل "ملك روحي"
قال النجم أحمد عز الحائز على جائزة فاتن حمامة للتميز ضمن فعاليات مهرجان القاهرة السينمائي الدولي في دورته الـ 45: "في بداياتي مكنش حد ممكن يعرفني غير بسبب الكتابة عنى، سواء كان نقد أو كلام كويس، وأنا بشكر الصحفيين جدا وممتن لده طول عمري".
تصوير: سيد علي
وأضاف أحمد عز: "الفن مش بس أنك تقدم فيلم أوعمل، لازم يبقي في رسالة، والنجاح بالنسبة لي هو أن افلامي تعيش، زي ما أنا بتفرج علي أفلام نجومنا الكبار، زي النجم الكبير نجيب الريحاني وأفلامه، أول مشهد أمثله كان في مسرح المدرسة وكانت مسرحية بيقوم بطولتها المدرس من كتر ما طلبت منه أداني دور صغير جدا كنت بقول آه بس والحقيقة انه مع عرض المسرحية جاب حد تاني يعمل الصوت وأنا أمثل إني بعمله بس، الحمدلله إحنا فين دلوقتي".
وتابع أحمد عز: "اول ما اتخرجت اشتغلت في مجال الفنادق ومنها للموديلينج، وكنت فاكرإني أنا كده صح، ومن بعدها حصلت حاجات كتير ووصلت لدور في مسلسل زيزينيا، وأنا ممتن للدور لحد دلوقتي".
كما تحدث عن المخرجين الذين شاركهم، قائلا: : " فخور انى اتعلمت من أجيال عظيمة ونجوم استفدت منهم جدا فاكر المخرج مجدى أبو عميرة فى مسلسل ملك روحى مع النجمة يسرا قال ليا أنت بعد المسلسل الناس هتتصور مع الجمهور فى الشارع وكنت أول مرة اشتغل فى مسلسل وأشوف يسرا بتعمل إيه واستفيد منها".
اترك تعليق