رئيس مجلس الإدارة
طارق لطفى
رئيس التحرير
أحمد سليمان
أحمد حاتم: فيلم "الملحد" عمل حساس
أعلن النجم أحمد حاتم عدم شعوره بالندم على مشاركته في بطولة فيلم الملحد الذي كان مقررًا طرحه خلال الفترة الماضية بدور العرض والسينمات.
صرح أحمد حاتم في حواره ببرنامج ضيفي مع الإعلامي معتز الدمرداش: معظم الجدل اللي عليه أو كله تقريبا من عنوانه، والأكيد إني مش هعمل حاجة أخجل منها أو استعر منها وأندم عليها لإني عاقل وراشد، ممكن نغلط أكيد بس ده عمل حساس جدا وفيه موضوع أنا شايف إنه مهم نتكلم عنه، مش عشان نروج له، أنا مش بتكلم عن المشروع ده ولا الإلحاد عشان أروج له، أنا قناعتي ونيتي إنه علشان العكس، مش ندمان طبعا.
وبسؤاله عن رفع الحظر عن الفيلم وطرحه للجمهور أم لا؟ قال: معنديش معلومة أكيدة هيُرفع عنه الحظر ولا لأ، ولكن أقدر أتوقع أكيد هيجيله وقت ويتشاف لإن بقى فيه أكتر من وسيلة لعرض الأعمال الفنية سينما أو منصة، إزاي أو إمتى حقيقي معرفش، أتمنى وقت ما يتشاف يبقى الناس شايفة فيه حاجة كويسة زي ما أنا كنت شايف فيه حاجة كويسة.
اترك تعليق