رئيس مجلس الإدارة
طارق لطفى
رئيس التحرير
أحمد سليمان
- مدبولي يتابع جهود إتاحة المزيد من التيسيرات لإجراءات دخول السائحين
- الرئيس السيسي يطالب "الوطنية للانتخابات" بالتدقيق في فحص الطعون ببعض الدوائر البرلمانية
- 27 نوفمبر..حفل غنائى لـ على الحجار على مسرح ساقية الصاوى
- برواتب مجزية.. وزارة العمل توفر 4202 فرصة عمل جديدة في 14 محافظة
- اليوم ..المؤتمر الصحفي للإعلان عن العرض المسرحي «زائد واحد»
هاني البحيري: والدي كان رافض شغلي وقاللي هتجيب "العار"
كشف هاني البحيري عن علاقته بوالده لأول مرة، مؤكدًا إن والده في بداية الأمر كان رافضًا عمله مجملًا، ويشعر بالخجل منه.
وأضاف هاني البحيري إن والده كان يعمل موجه أول لغة عربية في وزارة التربية والتعليم، ولا يحب عمل هاني البحيري كـ مصمم أزياء.
وتابع: "والدي كان شايف إني هاجبله العار، لأنه كان موجه أول لغة عربية، وكان بيصحى بدري، ويخرج من البيت بدري، وبالنسباله إني بصمم فساتين وعايز أتعامل مع فنانات كان شايف إني هاجبله العار، وأنا اشتغلت بالصدفة.
وأشار هاني البحيري إلى إنه اكتشف موهبته في سن صغير حين كان في العاشرة من عمره واكتشف الأمر مُعلم له في المدرسة، بسبب تمكنه من الرسم بطريقة مميزة.
قصة أول فستان
وعن بدايته قال: "ولما كنت في المدرسة جه مدرس شاف إني راسم حلو، قالي مين عامل دي، ولما قولتله أنا قالي إني بعرف أرسم، وأول فستان عملته كان زي بوليروه على فستان، والقصة إن واحدة قريبتنا كانت بتعيط في مرة عشان فستانها كانت عايزة تعمل عليه بليروه".
واختتم: "فضلت طول الصيف بشتغل عليه، ووقتها كان عندي 12 سنة، وكان شكله تحفة وعجب الناس كلها، وبنت خالتي نفسها مكانتش مصدقة إنه طلع بالشياكة دي، لأن اللي كانت عايزة تشتريه كان سعره غالي جدًا، ومن بعدها وربنا كرمني أكتر الحمد لله".
اترك تعليق