رئيس مجلس الإدارة
طارق لطفى
رئيس التحرير
أحمد سليمان
ياسمين رحمي: الجمهور سيبكي فى الفيلم الصيني والعمل ليس سهلًا
حرصت الفنانة ياسمين رحمي على كشف كواليس مشاركتها فى الفيلم الصيني الذي يحمل اسم Once upon a time in the middle east.
وأضافت أنها سافرت إلى الصين من أجل التصوير على مدار شهرين.
وتابعت ياسمين رحمي: الفيلم بيتكلم عن الشرق الأوسط، والقصة مكتوبة من 2021، من آخر 2022 بدأوا يسافروا دول مختلفة علشان ينقوا فريق العمل، عملوا اختبارات أداء على مدار سنة في الأردن والعراق وسوريا ومصر.
تدربت على الأكشن بقيادة فريق أمريكي
وأضافت: عملت اختبار أداء على الدور اللي كانوا عايزينه وبعد أول اختبار وافق عليا المخرج، وبعدين بدأت مرحلة التدريبات مع بعض في المشاهد قبل ما نسافر الصين، الدور فيه حركة مختلفة شوية وأكشن واتدربت عليه وجابولنا فريق من أمريكا يدربنا على الحركة والأكشن في الفيلم.
الفيلم ليس سهلًا
وتابعت: الموضوع مكنش سهل ولا تمثيلًا ولا حركة، ومش بيعتمد على التمثيل فقط، ومخرج الفيلم من مدرسة الطبيعية مش عايز يحس إن الممثل بيمثل بجد، وبيدور على مواصفات شكلية معينة، وكان فيه صور مرسومة للشخصيات كلها أثناء اختبارات الأداء.
الجمهور هيعيط فى الفيلم
واختتمت: الفيلم مش كوميدي وهو دراما تقيل جدًا، وأعتقد المشاهد هيعيط كتير جدًا، وفيه مجموعة من المصريين حوالي 6 أو 7 أشخاص منهم عمر شريف ، ووجوه جديدة زي أحمد سليم وفاروق محمد وفيه أطفال ومنهم طفلة هتكون اكتشاف كبير اسمها كارما، البطل الصيني ده يعتبر زي محمد هنيدي في الصين عندهم تشين تينج وشعبيته كبيرة جدًا.
اترك تعليق