رئيس مجلس الإدارة
طارق لطفى
رئيس التحرير
أحمد سليمان
وائل القباني يُهاجم نجم الأهلي السابق بعد تصريحاته الأخيرة ضد الزمالك
شن الكابتن وائل القباني، نجم الزمالك السابق، هجوما شديدًا ضد أحمد بلال، نجم الأهلي السابق، بعد تصريحاته الأخيرة عن الفارس الأبيض قبل خوض مباراة السوبر الإفريقي.
وقال وائل القباني، في تصريح ل، "ما بحبش التصريحات التريند، التقييم حاجة، وإنك تسيئ للقلعة البيضاء حاجة تانية، لازم تعرف إن الزمالك نادي كبير".
وأضاف نجم الزمالك السابق : "ماينفعش مثلًا النادي الأهلي مستواه يكون نازل في 5 أو 6 مباريات، وأقول ما يُروحش المباراة أحسن"، مضيفًا: "ممكن أقول الفريق مش هيكسب وفقًا لأدائه في الفترة الأخيرة، ده أسلوب محترم".
وتابع مدافع الزمالك السابق: "أنا اتعودت لما أتكلم على حد، أتكلم باحترام، مفيش حاجة اسمها تقول الزمالك ما يسافرش، ومش هيجيب رمية تماس، عيب الزمالك نادي كبير".
وواصل: "كلامك كلام تريندات، عيب اللي أنت بتقوله، أنا لما بتكلم على الأهلي؛ بتكلم باحترام، لما تيجي تتكلم على الزمالك؛ تتكلم باحترام، أيا كان مستواه".
وأتم: "انا لما أتكلم عن الأهلي حتى لو مش في مستواه، هقول نادي الزمالك كفته أرجح بنسبة 70%، لكن ينفع أقول النادي الأهلي ميسافرش! هل دي قيمة النادي الأهلي؟ ودي برضه مش قيمة الزمالك".
وكان أحمد بلال، قد قال في تصريحات عبر قناة "النهار": إن مباراة السوبر الإفريقي أعتقد أنها ستنتهي قبل بدايتها لصالح الأهلي، في ظل مستوى الزمالك المتواضع للغاية.
وأضاف مهاجم الأهلي السابق، "الزمالك بمستواه الحالي، أعتقد أنه لن يسدد كرة على العارضة حتى بالمباراة، ولو ده المستوى اللي هيلعب بيه المباراة؛ مش هيكون محتاج يسافر للسعودية عشان ما يخسرش بنتيجة كبيرة، ونسبة فوز الأحمر 90%".
اترك تعليق