رئيس مجلس الإدارة
طارق لطفى
رئيس التحرير
أحمد سليمان
خالد الصاوي يعلق على شائعة وفاته
حرص النجم خالد الصاوي على طمأنة جمهوره بعد انتشار شائعة وفاته على مواقع التواصل الاجتماعي.
نشر خالد الصاوي مقطع فيديو عبر حسابه الرسمي بموقع فيسبوك وعلق: أنا سمعت إن أنا مت امبارح فجيت أتطمن خير في حاجة، عالعموم بالنسبة للشخصيات اللي بتنشر أنا موتوني أربع مرات خلال 3 سنين، وأحيانا قالوا إن أنا كمان أولادي ماتوا.
تابع: اللهم احفظنا طبعا بس أنا معنديش ولاد وأحب أوضح بعض النقط، الناس دي مش هنقول نواياها إيه لأن لما بتعمل إشاعة أكيد عندك غرض، ولا انت بلا شخصية واللي بتسمعه بتحطه على النت على طول، طب انت مش عارف ان ده ممكن يكون تأثيره بايخ عالأهالي أول حاجة الشخص اللي يعمل كده هو شخص كاذب، فنعمل إيه بقى عشان هو أساسا عايز اللايكات والبتاع، فنعمل إيه بقى نطلع من البروفايل بتاعه وننبه الآخرين ان ده كداب كداب كداب.
وأكد: أنا في الحاجات الضرورية جدا والحساسة لازم أطلع أقول تأكيد أو أنفي الحاجة، وثقوا يا جماعة إن أنا لو مت هكون أول واحد يطلع ويقول خالد الصاوي مات.
اترك تعليق