رئيس مجلس الإدارة
طارق لطفى
رئيس التحرير
أحمد سليمان
رسالة قوية من كريم فؤاد بعد تأكد إصابته بقطع فى الرباط الصليبي
قام كريم فؤاد، لاعب الأهلي، بتوجيه رسالة خاصة للجماهير بعد تأكد إصابته بقطع في الرباط الصليبي، عبر حسابه الرسمي على موقع التواصل الاجتماعي "فيس بوك".
وأكد الدكتور أحمد جاب الله طبيب الأهلي، إن الأشعة والفحوصات التي خضع لها كريم فؤاد، أثبتت إصابته بقطع في الرباط الصليبي الأمامي.
ونشر كريم فؤاد عبر صفحته، العديد من الصور وعلق عليها قائلًا: "كل خسارة دُونَ الجنة ، فهي دُون .. اللهم لك الحمد كما ينبغي لجلال وجهك وعظيم سلطانك".
وتابع كريم فؤاد، أن الدنيا دار إبتلاء وشقاء ودايماً الإبتلاء بيجي للشخص في الحاجة اللي هو بيحبها ونِفسه فيها وطموحه وسعادته فيها، ودا بيكون اختبار ليك هتعمل ايه في الموقف دا، وإن الاختبار والبلاء دا بيكون ليه أجر كبير ورفع درجات في الجنة وتكفير ذنوب وحاجات كتير عظيمه أوي مقابل أني أصبر على الإبتلاء دا.
وأضاف نجم الأهلي: "أنا كان مكتوبلي إصابة في الرباط الصليبي للمره التانيه، بس عندي إحساس تاني خالص مع الاختبار دا، أنه أنا في نعمة كبيرة أوي وأن الحمد لله ربنا رزقني باختبار سهل وهين أوي مقابل إبتلاءات ناس تانيه أصعب من دا بكتير، وكمان اختبار مش جديد عليا بَعيده للمرة التانية في وقت قصير في هعرف اتعامل معاه بشكل كويس ويمكن أحسن".
وتابع: "عشان كدا بحمد ربنا أن الإبتلاء اللي هاخد عليه أجر كبير وعظيم مش بالصعوبة القاسية اللي توجعني وتهدّني".
وأتم لاعب الأهلي رسالته قائلًا: "أنا بحمد ربنا وراضي ومؤمن جداً إن ربنا بيحبنا نقرب منه بالعبادات اللي منها الصبر والدعاء .. الحمد لله مستعد للإختبار ومتحمس .. شوية وقت وهنرجع نحارب من تاني .. أشوفكم على خير قريب".
اترك تعليق