رئيس مجلس الإدارة
طارق لطفى
رئيس التحرير
أحمد سليمان
زوجة فى دعوى خلع: رفض يخلينى أعمل "تاتو"
سردت زوجة قصتها مع زوجها قائلة «عمري 28 عام وتزوجت قبل عام واحد فقط، كنت أحلم بشاب من نفس البيئة التي نشأت بها يعلم عن الموضة والأزياء وكل شيء، وكان زوجي بالفعل لديه خبرة ليست كبيرة ولكنه شخص متحضر ومثقف يعلم الكثير عن الحياة وأسلوبه محترم للغاية».
تابعت الزوجة قصتها «اتقدم لأهلي ووافقوا عليه من أول مرة واتخطبنا مدة 6 شهور بس وبعدها عملنا فرح كبير وشيك جدا واتجوزته، وبصراحة مكنش بيرفض لي اي طلب وكان مهتم بيا وكل حاجة بيني وبينه كانت كويسة، وده في فترة أول 3 شهور في الجواز لكن بعدها اتغير».
أكملت الزوجة قصتها عن زوجها قائلة «بعد 3 شهور كنت ساعات أطلب منه يشتري لي حاجات ويرفض، ويقولي حاجات تافهة وأنه معندوش اعتراض على الفلوس بس مش كل حاجة نشتريها وخلاص وساعتها أنا كنت طالبة منه فلوس عشان أشتري حاجات ميك آب جديدة، وأنا سكت عشان كان عندي بصراحة».
وأضافت الزوجة في قصتها «بعد حوالي 10 شهور جواز قامت بيني وبينه خناقة كبيرة بسبب أني طلبت منه فلوس عشان أروح مركز تجميل أعمل تاتو وأركب برسينج وأظبط الدنيا وكل ده عشانه هو وعشان اهتم بنفسي، لكن هو رفض وقالي المبلغ كبير ومش معايا الرقم ده دلوقتي مش هينفع تروحي».
اختتمت الزوجة قصتها عن زوجها «فضلت شهر ونص كل شوية حجة شكل لحد ما في الأخر قالي أنا مبحبش مراتي تعمل تاتو والحاجات دي مع أني عملته في الفرح وكان عاجبه جدا ومتحضر وعارف كويس الحاجات دي ومكنش عنده مشكلة بس مش عارف ايه اللي حصل خلاه كدة».
وأنهت الزوجة قائلة «طلبت منه الإنفصال في هدوء وده بعد تدخل الأسرتين والأصدقاء، لكنه رفض والحياة خلاص بقيت بينا مستحيلة وأنا مش هعيش مع حد قافل دماغه وبيتحكم فيا وخلاص روحت رفعت عليه قضية خلع».
اترك تعليق