رئيس مجلس الإدارة
طارق لطفى
رئيس التحرير
أحمد سليمان
- تريزيجيه: منتخب نيجيريا قوي و يضم لاعبين كبار ولكننا جاهزون للفوز
- محافظ سوهاج يؤدي صلاة الجمعة بمسجد الشرطة ويلتقي الأهالي
- الداخلية تنظم احتفالية داخل مراكز الإصلاح احتفالا بالإسراء والمعراج
- حسام حسن: راض عن أداء اللاعبين وحزين بسبب عدم الوصول للنهائي
- رئيس الوزراء الكندي يشيد بالشراكة الاستراتيجية مع الصين
محمد علي رزق: تامر ضيائي بيراعي زوجته 17 سنة واللى حصل مهين
قرر الفنان محمد علي رزق الدفاع عن الفنان الراحل تامر ضيائي، وذلك بعد انتشار فيديو للمشاجرة بين الراحل وفرد الأمن في أحد المستشفيات، ونتج عنها وفاته.
ونشر محمد علي رزق صورة لتامر ضيائي عبر حسابه على إنستجرام وكتب قائلًا: "شهادة لوجه الله… أنا أعرف تامر ضيائي من 2004 من أيام فرقة عين الشمس… و دخلنا مركز الإبداع سوى في 2006 وفضلنا صحاب لغاية ماربنا استرد أمانته، تامر ضيائي طول عمره إنسان محترم وعلى مدار 20 سنة عمري ماشوفت تامر متعصب أو شخص متجاوز… اللي حصل مع تامر يوم وفاته شئ مهين خلاه ينفجر".
وأضاف محمد علي رزق: "تامر بقاله 17 سنة بيراعي زوجته في مرضها عمرنا ماسمعنا عنه إنه عمل مشكلة وكان صابر و راضي بقضاء ربنا، تامر لم يتجاوز الدور زي ماقالوا بشهادة سوزان زوجته إنهم كانوا واخدين رقم 421 و لما جيه الرقم اللي قبلهم بدأوا يقربوا من الباب ولما وصل كان رقمه جيه الأمن منعه وقاله فيه ناس هتدخل الأول فتامر رفض إن حد يتجاوز دوره و من هنا بدأت المشكلة".
واختتم محمد علي رزق حديثه قائلًا: "تامر انفجر علشان مراته التعبانة اللي قاعدة مستنية دورها عشان تاخد الجلسة فيلاقي الأمن بياخد فلوس علشان يدخل ناس قبل دورها، تامر ما عملش حاجة غير إنه اتمسك بحقه ولما لاقى الراجل بيتعامل معاه بشكل مهين انفجر، حسبي الله ونعم الوكيل، ربنا يرحمك يا تامر و يجعلك من أهل الجنة".
اترك تعليق