رئيس مجلس الإدارة
طارق لطفى
رئيس التحرير
أحمد سليمان
رضوى الشربيني تهاجم حسام حبيب " بأي صفة لا أنت جوزها ولا خاطبها"
هاجمت الإعلامية رضوى الشربيني، الفنان حسام حبيب، بعد أزمته الأخيرة مع الفنانة شيرين عبد الوهاب وتعديه عليها بالضرب.
ووجهت رضوى الشربيني عدة تساؤلات للفنان حسام حبيب، في فيديو لايف عبر صفحتها الشخصية على الفيس بوك ،مستنكرة سبب التدخل بين شيرين عبد الوهاب وابنتها وسبب وجوده معها في الاستديو رغم عدم وجود شيء يجمعهما سواء عمل أو زواج أو غيره.
وقالت رضوى الشربيني: اتعصبت لما شفت الموقف كتبت كلمتين وبعدها قلت أنا مالي أنا واخدة عهد على نفسي ما اتكلمش في الموضوع ده، وهتفرج زي باقي الناس، إذ بي أفاجأ بالرسائل الصوتية بتاعة حسام حبيب، واللي فيها طرح شوية أسئلة صعبة وعايز إجابات من الناس، وطالع بيقول مخدش منها فلوس وعمري ما خدت منها فلوس وإحنا كمان كجمهور من حقنا نسألك.
وأضافت رضوى الشربيني: زي ما قرأنا أن حضرتك ما ضربتهاش وكنت بتحاول تشيلها من على بنتها، وقلت مقدرش أقول لكم شيرين الوحش الكاسر كانت بتعمل إيه علشان ما أقضيش عليها وتبقى انتهت، ولكن بأي صفة لا أنت جوزها ولا خاطبها ولا أبوها ولا حد، وبأي صفة بتحوش بين شيرين وبنتها، أمال أفشت على أخوها ليه، لما أخد عشرين بلطجي علشان ينقذها على الأقل وقتها ما شفناش وشها متشلضم، أخوها كان عاوز يعالجها أولى بيها دي أولا.
وتابعت رضوى الشربيني: تاني سؤال بأي صفة موجود هناك، وكنا سمعنا إنك بتبارك ليها علشان خطوبتها وقررت تعمل أغنية علشان تبارك ليهم، وأنت إنسان منفتح فين الأغنية يا حسام ما سمعناش إلا الفويس نوت.
وأكملت رضوى الشربيني: تالت حاجة، طلعت المتحدث الرسمي باسم شيرين عبد الوهاب بأمارة إيه.. هل خطيبها موافق ولا مفيش خطيبها أصلا، إيه موضوع الرسايل الصوتية اللي بتتسرق على تليفونك وأنت لا تعلم، إحنا مبنسمعش أغاني لحسام ومبنسمعش غير رسائل صوتية.
وأردف رضوى الشربيني: بأي صفة كنت بتحوش بين أم وبنتها قلت إنك مش بتشتغل معاها وآخر فويس نوت بتقول فيها مخدش فلوس من شيرين ومفيش أي معاملات بينكم، لا بتشتغل معاها ولا خطيبها ومش صحاب وكل واحد راح لحاله كنت في الاستديو بناء على إيه جوابنا علشان حالنا حموضة.
واستكملت رضوى الشربيني: الفويس نوت بتتسرق من عندك وشيرين هي اللي بطحت نفسها، وأنت الملاك الحارس اللي في حياتها وهي شيطان، طيب انت موجود في حياة شيرين ليه؟ ما اشغلتش معاها وليك عندها فلوس أمال بقالك خمس ست سنين بتصرف منين علشان أعمل اللي بتعمله، هقعد في بيتنا ما اشتغلش وهاخد نفس الطريق علشان أصرف عليا وعلى ولادي، لو مش بشتتغل مع شيرين ومش بنشوف ليك أغاني ولا حفلات بتصرف منين كراجل على نفسك ومراتك، أديني الطريق علشان امشي وراه.
اترك تعليق