رئيس مجلس الإدارة
طارق لطفى
رئيس التحرير
أحمد سليمان
أسماء جلال: أنا نصابة ورقاصة محترمة فى "ولاد رزق3"
تحدثت الفنانة أسماء جلال عن كواليس مشاركتها فى فيلمي "اللعب مع العيال" و"ولاد رزق3".
وعن دورها بفيلم "ولاد رزق3: القاضية"، قالت: "أنا بحب الأجزاء اللي فاتت من ولاد رزق، ولما أستاذ طارق العريان كلمني تحمست جدًا، قلت له أنا موافقة أيا كان، وأنا كان دوري مع عمرو يوسف واشتغلت معاه قبل كده في مسرحية لذيذة أوي والطاقة بتاعته جميلة، وقعدنا نفكر طب الشخصية دي هتبقى رقاصة ولا مش رقاصة، قولت لأ مش عايزة، قال لي طب نصابة، قولتله ماشي أو رقاصة محترمة، وفي الآخر قررنا أنها تبقى بتسرق بطاقات الائتمان من الناس ومش عارف ده بان ولا لأ وأعتقد أن في أكتر من حاجة اتشالت".
وأضافت أسماء جلال: "وأنا في الحقيقة غير الشخصية اللي في الفيلم خالص، ولو كل إنسان قعد يقول لنفسه أنا ذكي ومحدش يعرف يضحك عليا هو ممكن يتضحك عليه بسهولة، وما اتخدعتش في حد قبل كده وواخده احتياطي من اللي بيحصل حوالينا".
من ناحية أخري أعربت الفنانة أسماء جلال عن سعادتها بالتعاون مع المخرج شريف عرفه في فيلم "اللعب مع العيال» بطولة الفنان محمد إمام قائلة: «شريف عرفه هو اكثر انسان محترم عرفته، وشخص يعرف الذي يريده، وهو زكي في توجيه الممثلين والسيطرة على اللوكيشن وهدوء غير عادي، ويتعامل مع الاستديو انه مكان ننتمى اليه ويجب احترامه".
وتحدثت الفنانة أسماء جلال عن تشبيها بمايكل جاكسون، قائلة: "أنا دايما صاحبة مبدأ واللعبة الحلوة أسقف لها، ولو حد قال إفيه حلو هاسقف له، والصورة عجبتنى وحطتها عندى".
وتابعت أسماء جلال: "مش عارفة إيه بداية الموضوع، ولكن لقيت الناس عمالة تقول أسماء جاكسون وناس تقول جاكسون الغلابة، وكنت فكراهم بيتكلموا على حد ولقيتنى أنا، وشوفت الصورة اللى فيها دمج بين صورتى وصورته بس مضايقتش كانت لذيذة وتضحك".
أكدت الفنانة أسماء جلال أنها أحبت من طرف واحد مشيرة إنها ظلت تحب شخص لسنوات عديدة ولكنه كان رافض حبها له قائلة:" مكنش عاوزنى بإرادته هموت واعرف هو فين دلوقت".
وأضافت أسماء جلال ها لم تتضايق من اسفاف البعض عليها بسبب موضوع “الليب جلوس”.
وتابعت أسماء جلال أن احد المخرجين تسبب فى بكائها وقررت عدم التعامل معه مرة ثانيه.
اترك تعليق