رئيس مجلس الإدارة
طارق لطفى
رئيس التحرير
أحمد سليمان
عمرو مصطفى: صناعة الموسيقى بتدخل دولارات لمصر
تحدث الملحن عمرو مصطفى، عن موقفه من تجربة تلحين أغنية بصوت كوكب الشرق أم كلثوم، بتقنية الذكاء الاصطناعي، كما أشار إلى إن الموسيقى أصبحت أحد أهم مصادر الدولار التي تدخل مصر.
وقال عمرو مصطفى خلال ندوة الموسيقى في عصر الذكاء الاصطناعي، المقامة حاليا بدار الأوبرا المصرية: في تجربة أم كلثوم كنت عامل ألحان بالشكل القديم اللي لحنه العباقرة بليغ حمدي وغيره، واستخدام التقنية إني غيرت صوتي وحطيت صوت أم كلثوم، وطبعا كان في هجوم شديد.
وأضاف عمرو مصطفى: لكن كنت عايز أقول للناس إننا مش هناخد صوت أم كلثوم ونعمل به أغاني تانية، بنقولهم إن في مطربين يقدروا يعيشوا سنين كتير بالتكنولوجيا، وعندي مقولة إن التكنولوجيا في إيد الجاهل تلغي الموهوب، والتكنولوجيا في إيد الموهوب يقدر يغير بيها حاجات كتير، وشوفنا أصوات موجودة دلوقتي في الأوبرا ومطربي جيلي، مش لاقيين شغل، ومش قادرين ينافسوا المطربين الجداد عشان دول معاهم تكنولوجيا.
وأكد عمرو مصطفى، أنه أوقف مشروع أم كلثوم احتراما للورثة، حيث قال: أم كلثوم صوتها ملك الجمهور، ولكن أوقفنا مشروع أغنية أم كلثوم احتراما للورثة.
اترك تعليق