رئيس مجلس الإدارة
طارق لطفى
رئيس التحرير
أحمد سليمان
مي سليم ترصد مواقف مرعبة من كواليس "المداح".. فيديو
كشفت النجمة مى سليم خلال لقائها ببرنامج نجوم رمضان أقربلك تقديم إنجي علي عبر إذاعة وقناة نجوم FM عن بعض الكواليس المرعبه التى عاشتها خلال تصوير مسلسل المداح .. أسطورة العودة.
قالت مى سليم: أول ما روحت تصوير المداح قولتلهم أنا بسمع إن عندكم عفاريت وبجد بيحصلكم حاجة قالولي متخافيش دي حاجات بسيطة.
أضافت: بعدها كنت بصور مشهد مع فتحي عبد الوهاب والولد اللي بيشتغل معايا ماسك الحاجات بتاعتي والجاكيت .. الجاكيت ولع.
تابعت: الأوضة اللي كنا فيها كان فيها شمع سألت الولد إنت جيت ناحية الشمع .. قالي والله أنا واخد الجاكيت في حضني مجتش ناحيتها .. خرجت لأستاذ أحمد سمير فرج سألته إيه دا أنا لسه تاني يوم تصوير .. الولد اللي كان بيعملي شعري .. السيشوار فرقع .. كل مرة أروح للوكيشن بقرأ كل الآيات القرآنية اللي حفظاها وبشغل قرآن في الكرفان.
مسلسل المداح .. أسطورة العودة من بطولة حمادة هلال، فتحي عبد الوهاب، هبة مجدي، ودنيا عبد العزيز، وخالد سرحان، ومحمد عز، وحنان سليمان، وتامر شلتوت، وصبحي خليل، مع ظهور خاص لبعض النجوم مثل سهر الصايغ، ومي سليم، ودياب، وحمزة العيلي، والمسلسل تأليف أمين جمال، وليد أبو المجد، شريف يسري، وإخراج أحمد سمير فرج، وإنتاج سيدرز آرت برودكشن (صباح إخوان)، ومنتج منفذ شركة أجورا ميديا للإنتاج.
اترك تعليق