رئيس مجلس الإدارة
طارق لطفى
رئيس التحرير
أحمد سليمان
عمرو وهبة: صوت وصورة نقلة في مشواري وسعيد بردود الأفعال
قال الفنان عمرو وهبة: دور وافي معتمد في مسلسل صوت وصورة كان فارق شوية في مشواري الفني والحمد لله على النجاح وردود الفعل، والشخصية كان عبارة عن ولد بسيط ولكن مخه في السوشيال ميديا والإلكترونيات ولكن بيستخدمها في الخير، لو حد ضايقه بيجيب بيها حقه، وتفاجأت أن الذكاء الاصطناعي بيرجع للخميسنيات، وسنة 1986 أساتذة الرياضيات في واشنطن عملوا مظاهرات علشان الطلاب ميستخدموش الآلة الحاسبة، كانوا خايفين من التكنولوجيا وأنها تستبدل الإنسان.
وأضاف عمرو وهبة: الحقيقة ممكن تتزيف في الذكاء الاصطناعي بشكل مخيف زي ما ظهر في مسلسل صوت وصورة، وأكبر دليل زي ما عملنا محاكاة الجريمة قدام القاضي، وكون أن الرقابة تعدي أننا واقفين قدام القاضي وصدقي صخر المحامي يعتذر للقاضي أنه مش بيسخر ولكن بيثبت له إزاي ممكت تتزيف، والرقابة وافقت يبقى ده بيحصل في الحقيقة.
وتابع: شوفنا من فترة أغنية ليلى زاهر وهشام جمال، الفيديو كليب كله اتعمل بالذكاء الاصطناعي، أنا في عندي أصدقائي عندهم أغاني نزلت بصوت رامي صبري والناس حبتها وهي أصلا بتاعة حد تاني، دلوقتي أي حاجة بقينا نقول دي جد ولا هزار.
واختتم: أنا مش عارف قانونيًا اتعامل دلوقتي لسوء الاستخدام الذكاء الاصطناعي، في الوضع الحالي لا يمكن الاستغناء عن الإنسان مقابل الذكاء الاصطناعي.
اترك تعليق