رئيس مجلس الإدارة
طارق لطفى
رئيس التحرير
أحمد سليمان
سمسم شهاب يكشف سبب عدم تحقيق حلمه كلاعب كورة
كشف المطرب سمسم شهاب عن سبب عدم تحقيق حلمه كلاعب كورة قال: كنت بشتغل أنادي على عربيات، وكنت في مرة واقف على سلم العربية اللي بنادي عليها والعربية وقفت فجأة، فدخلت عربية من ورا فيا وسلم العربية الحديد اطّبّق على رجلي فجابوا المنشار اللي بيقطع الحديد قطعوه علشان يخرجوا منه رجلي، وقعدت سنة وتسع شهور في الجبس، والموضوع ده قضى على مستقبلي الكروي لأني كنت من ناشئي النادي الأهلي وقدمت واختبرت ونجحت وحلمي ما كملش، ولكن الإحباطات دي خلقت جوايا شعور بالرضا.
وأشار سمسم شهاب خلال لقائه في برنامج "واحد من الناس" مع الإعلامي عمرو الليثي إلى أنه حصل على شهادة الثانوية العامة ولم يكمل تعليمه، موضحًا: كملت لحد تالتة ثانوي وما جبتش مجموع بسبب اضطهاد أحد المدرسين في اللغة الإنجليزية لأني كنت أخلص سنة أولى أجيب كتب سنة تانية من جيراني وأحضرها في الإجازة وكنت نشيط ومجتهد وكان في مدرس إنجليزي مضطهدني، وبعد الثانوي دخلت معهد عبد الوهاب دراسات حرة ودرست أصوات وكنت بشتغل وبغني وعملت فرقة زفة واجتهدت بكل الطرق ولحنت لنفسي وعملت شغل نجح مع الناس.
اترك تعليق