رئيس مجلس الإدارة
طارق لطفى
رئيس التحرير
أحمد سليمان
حمو بيكا : " مريت بفترة صعبه بعد سبوع ابنتى والسبب الحسد"
كشف مؤدى المهرجانات حمو بيكا ،إنه مر بفترة صعبة بعد سبوع ابنته بسبب الحسد، مشيرًا إلى أن ما قيل بشأن تكلفة السبوع غير صحيح.
وأضاف حمو بيكا في فيديو نشره عبر حسابه الشخصى على الفيس بوك:" اتقال إن السبوع اتصرف عليه ملايين وعربية بـ 10 مليون دولار، إزاي دي عربية كانت مخلعة.. الكلام ده مش حقيقي روحوا واسألوا على القاعة بنفسكم، وكل اللي حضروا معلمين ونجوم بيحبوا بيكا، والدنيا كلها بتعمل كده"
واضاف حمو بيكا: "وأكبر من كده بكتير ولا علشان أنا حمو بيكا.. سيبوا الملك للمالك وقول يا رب وطول ما أنت بتسعى ربنا هيقف جمبك، لكن ما تبقاش نايم في بيتك ننه ولا بابي ومامي بيدوك المصروف وتطلعمهم علينا.
ةاستكمل حمو بيكا: إحنا مفيش عندنا بابي ومامي، وبنصرف على بيوتنا، وبصرف على 3 و4 بيوت وورايا ناس فاتحة بيوت، وبرضه معايا 23 نفر بياكلوا عيش، وناس عندها عيال وفاتحة ييوت، وشقيت وتعبت لحد دلوقتي.
وتابع حمو بيكا: في إيه يا جماعة من وقت السبوع لدلوقتي كنت في مشاكل شخصية من الحسد، وده مذكور في القرآن، والحمد لله عديت وبنتي الأميرة تاج في حضني وربنا يخليها ليا ولما ربنا يديني هعملها أكتر من كده، علشان أنت بذات نفسك بتشتغل علشان عيالك وتتمنى تجيب لعيالك نجمة من السما.. وأنا لما كنت لوحدي ما كنتش حاسس أني أب، لما جالي بنتي حسيت بمعنى كلمة الأب، ومش عاوزها تشوف اللي شفته؛ لأني عيشت عيشة طيبة وكريمة، وعاوز أأمن لها حياتها ومش دايم غير حب الناس، وأنا بحبكم أكتر شوية من حبكم ليا، وخليك رحيم ما تتكلمش على الناس وسيب الملك للمالك وربنا هيكرمك.
اترك تعليق