رئيس مجلس الإدارة
طارق لطفى
رئيس التحرير
أحمد سليمان
تعليق محمد رمضان على أزمة بيومي فؤاد ومحمد سلام .. فيديو
كشف النجم محمد رمضان عن موقفه من أزمة زميليه الفنان بيومي فؤاد وتصريحاته ضد الفنان محمد سلام والتي تصدرت منصات التواصل الاجتماعي خلال الفترة الماضية.
نشر محمد رمضان مقطع فيديو عبر حسابه الرسمي بموقع إنستجرام وعلق قائلا: رسالتي لكل جمهوري العربي .. رأس مال أي فنان هو الناس اللي هم حضراتكم .. بنطلب من كل حبايبنا ومن كل اللي حوالينا من أمي ومن أبويا يدعوا إن ربنا يحبب فيا الناس والجمهور اللي هو حضراتكم.
تابع: شيء قاسي جدًا لما أكتر حد تبقى أنت عايز تسعده وتبسطه وتنال رضاه هو اللي يكون قاسي عليك بالكلام .. كلامي عن زمايلي وأخواتي وحبايبي وأنا بتشرف بزمالتهم الاتنين محمد سلام وبيومي فؤاد لا محمد سلام غلط ولا بيومي فؤاد غلط وحتى لو فيه زلة لسان احنا بنقول اللهم لا تؤاخذنا إن نسينا أو أخطئنا حتي لو غلطنا واحنا بنصلي ربنا بيسامحنا".
أضاف: عملوا إيه الاتنين عشان نكون قاسيين سواء على سلام أو بيومي إيه اللي عملوه؟ والأخبار اللي بسمعها إن شاء الله تكون كلها إشاعات إن سلام مش هيشتغل .. ولا حد هيسمح بده .. لا احنا كفنانين ولا الجمهور اللي هو في ضهر أي فنان بيحبه.. ولا إحنا مع اللي بيحصل في إنه يقفل الكومنتات عشان مايشوفوش كلام وحش .. ياريت نكون أحن من كده على بعض.
اترك تعليق