رئيس مجلس الإدارة
طارق لطفى
رئيس التحرير
أحمد سليمان
كريم عبد العزيز يروى تفاصيل إصابته بـ 9 جلطات فى الرئة
كشف النجم كريم عبد العزيز خلال لقاؤه ببرنامج SOLD OUT تقديم الاعلامى محمود سعد عن حقيقة مروره بأزمة صحية شديدة في إنجلترا.
تحدث كريم عبد العزيز عن كواليس مرضه وعن تعرضه لتسع جلطات في الرئة قائلاً: روحت عملت أشعة ومشيت من المستشفى .. فوجئت تاني يوم برسائل من زوجتي الدكتورة بتطلب مقابلتي فورًا .. روحت لاقيت المستشفى مستنياني .. دخلت عند دكتورة قالت لي: إنت هتموت .. فاندهشت جدًا .. فقالت لي: إنت عندك تسع جلطات في الرئة .. إنت إزاي واقف على رجلك .. فبعدها أول حاجة طلبتها إني أشوف ولادي.
وتابع: قعدت في المستشفى 4 أيام في العناية المركزة وكان أكثر شيء مركز فيه ولادي والأعمار بيدي الله .. وطلبت أشوف دكتور تاني وشوفت فعلًا وأكد لي إني مصاب بـ 9 جلطات بالرئة .. وسألني: شغال إيه؟ قولتله: أنا ممثل .. وخرجني بناء على اتفاق الالتزام بالأدوية وحقن سيولة .. مفيش سجاير ولا ضغط .. وعملت كل ده في لندن.
أضاف كريم عبد العزيز أن علاجه استمر شهرًا كاملًا وبعدها تعافى من الأزمة الصحية مشيراً إلى أنه تخطى الأزمة بحكمة وتعلّم منها درسا مهما بالحرص على الاهتمام بصحته والوقاية من الأمراض وبدأ في ممارسة الرياضة بانتظام وتناول الطعام الصحي.
اترك تعليق