رئيس مجلس الإدارة
طارق لطفى
رئيس التحرير
أحمد سليمان
ايمان العاصي ويسرا اللوزى فى عزاء المخرج احمد سامى العدل.. صور
حرصت كل من الفنانة ايمان العاصي ويسرا اللوزى على الحضور العزاء المخرج أحمد سامي العدل، بمسجد الشرطة فى الشيخ زايد والذي رحل عن عالمنا السبت الماضي، بشكل مفاجئ بسبب جلطة في الشريان الأورطي.
وكانت كشفت رشا سامي العدل، عن اللحظات الأخيرة في حياة شقيقها المخرج أحمد سامي العدل، قائلة :««قاعدين على البحر في دهب في ساعة غروب بنضحك وبنعيط سوا ونشتكي لبعض قد ايه ابونا وحشنا وقد ايه الحياة من غيره صعبة فضفضنا لبعض ووعدنا بعض بحاجات كتير».
وأضافت رشا العدل، في منشور لها عبر حسابها بـ«فيس بوك»:«رجع القاهرة على وعد بلقاء قريب نتجمع فيه تاني ... وجيه اللقاء بعد مكالمة تليفون الحقي اخوكي تعبان في المستشفي جريت عليه لقيت التعب والألم زايدين على عمره عمرين مش عارف يتنفس وكلامه بصعوبه قعدت اكلمه واضحكه وأحاول اهون عليه شوية واسيبه يرتاح شوية».
وتابعت: «وفي عز محاولاتي نقله لمستشفي تانية فقد نبض قلبه لثواني قدامي اتخضيت الدكاترة طمنوني وقالوا مفيش حاجة اهو زي الفل بس قلبي وجعني ولقيتني بقول له عايزاك تسبح وتقول الشهادة معايا وتفضل تقول كل القرآن اللي انت حافظه يا دوبك لفيت ظهرى ولسة هاخرج اشوف موضوع الإسعاف ونقله لقيت دكاترة وممرضين في كل حتة حوالين احمد بيحاولوا ينعشوه ٣٨ دقيقة على الساعة محاولات وانا واقفة قدامه قلبي بيتقطع وروحي انا بتطلع مني ماسكة في خيط امل من الدخان اتقطع ب اخر نفس منه .... وراح أحمد، اخويا الصغير الطيب الحنين الهادي».
اترك تعليق