رئيس مجلس الإدارة
طارق لطفى
رئيس التحرير
أحمد سليمان
هيدي كرم توجه رسالة لجمهورها: اتهرينا من الشتيمة .. فيديو
ناشدت النجمة هيدي كرم جمهور ومتابعيها بالتوقف عن حملات التنمر على المشاهير والتوجه إليهم بكلام غير لائق وحثتهم على احترام النجوم والابتعاد عن سبهم والتقليل منهم.
نشرت هيدي كرم مقطع فيديو عبر حسابها الرسمي بموقع إنستجرام وقالت: إحنا اتهرينا والله كمشاهير .. بتكلم بصراحة بالنيابة عن مشاهير وبالأخص السيدات .. اتهرينا من الشتيمة والتهزيق وقلة القيمة على السوشيال ميديا وإنكم بتحسسونا إننا مانسواش.
أضافت: اللي بيشتمونا على السوشيال ميديا وإحنا طالعين وإحنا نازلين وإحنا بنحاول نعمل محتوى لذيذ وفيديوهات لذيذة وإحنا بنحاول نعمل طاقة إيجابية .. وأي حاجة حلوة أو وحشة مش نافع .. متهزقين ووحشين ومشتومين .. الناس اللي بتشتمنا لو شتمناهم نفس الشتيمة هينتحروا تاني يوم .. إحنا عندنا جهاز عصبي قوي جدا لإننا مستحلمين ومش بنرد.
وتابعت: لو اللي بيشتمونا اتشتموا نفس الشتايم والله العظيم هتقطعوا شرايينكم من حجم الاضطهاد والإهانة .. ولكن إحنا مش هنعمل كده لإننا محترمين ومؤدبين وحساسين وبنقدر مشاعر الآخرين اللي هي مش عندكم خالص .. كده كتير شوفوا لكم لعبة تانية لإن كرامتنا مش لعبة في إيديكم وبالراحة علينا كل واحد عنده مشاكل ومآسي وناس فقدها وأزمات في شغله .. رجاء محبة تخفوا على بعض شويه مفيش بيننا وبينكم طار ونجحنا مش معناه فشلكم وممكن كل الناس تنجح.
اختتمت هيدي كرم رسالتها للجمهور قائلة: رجاء محبة .. بالراحة على إخواتكم الفنانين الطيبين الحلوين اللي بيعملوا لكم حاجات حلوة.
اترك تعليق