رئيس مجلس الإدارة
طارق لطفى
رئيس التحرير
أحمد سليمان
واقف على رجلى رغم كل ما تعرضت له .. كهربا يفاجئ الجماهير برسالة عبر فيسبوك
وكشف خلال رسالته على عن الضغوط التى تعرض لها فى الفترة الماضية، وكيف تمكن من التغلب عليها فى النهاية.
وكتب كهربا عبر حاسبه على فيسبوك:
"بعد إيقاف ٦ شهور الحمد لله قدرت اقف على رجلي تاني و بسرعه جدا و اكمل مسيرتي" .
وأضاف: "موسم صعب و كله ضغوطات إنتهي بأن الاهلى بطل كل حاجه و بكرم ربنا و دعم جمهور الاهلى قدرنا نحقق كل البطولات إللي شاركنا فيها مكنش هينفع إننا نستسلم في وسط الطريق كان لازم نكمل للاخر زي الاهلى ما عودنا كنت بستني الإيقاف ينتهي بفارغ الصبر علشان أقدر أشارك و أجتهد"
وتابع : "إتعرضت لضغوط كتير و ناس بتحاول إنها تعطلني بس ربنا كان ديما في ضهري و نصرني الحمد لله فا اي ضغط من الضغوطات الكتير الي اتعرضتلها كنت برميه ورا ضهري و أركز في تمريني و اركز في الملعب وأسعد جمهور النادي في محاولة إني أرد و لو جزء بسيط من فضل جماهير النادي في دعمهم ليا و وقوفهم في ضهري من أول يوم كنت فيه في النادي ولا أي كلام هيوفيهم حقهم ولا هيوصف اللي في قلبي
واكمل: "من ناحيتهم الحمد لله قدرنا نحقق كل حاجه و في النهاية بشكر كل شخص قدملي المساعده ووقف جنبي من اول بيتي النادي الاهلى و مجلس الاداره و المدير الفني و الجهاز بأكمله واخواتي في الملعب الي عمال غرفة الملابس و المنظومه جميعاواشكر عائلتي الداعم الحقيقي و الدائم في كل الاوقات"
جدير بالذكر ان محمود كهربا مطالب بسداد 2.4 مليون دولار كغرامة موقعة عليه من الفيفا لصالح نادى الزمالك بسبب تعاقده مع ديبورتيفو ألافيس البرتغالى وقت ان كان لاعبا بالزمالك.
ومنحت الفيفا اللاعب مهلة أخيرة لمدة شهرين تنتهى فى 7 أكتوبر المقبل قبل تتنفيذ قرار الإيقاف الموقع عليه فى حالة عدم سداد المبلغ لصالح نادى الزمالك.
ويبحث الفريق القانونى للاعب التواصل مع نادى الافيس عقب عودته للمارسة نشاطه مرة أخرى حيث من المقرر أن يحمل نصف النادى البرتغالى نصف مبلغ الغرامة.
اترك تعليق